صحبت شیخ کی اہمیت |
ہم نوٹ : |
 |
ہوتی ہے، ایک تو یہ کہ کہیں ہمارے دین کو نقصان نہ پہنچ جائے، دوسرا یہ کہ ہماری جان کو کہیں کینسر نہ ہوجائے، السر نہ ہو جائے، ٹی بی نہ ہوجائے، دمہ نہ ہوجائے، گٹھیا نہ ہوجائے، فالج نہ ہوجائے اور تیسری فکر یہ کہ میری اولاد بیمار نہ ہوجائے، کہیں اس کا ایکسیڈنٹ نہ ہوجائے، کہیں اس کی نوکری نہ چھوٹ جائے اور چوتھی فکر اہل و عیال خاندان والوں کی ہوتی ہے اور پانچویں فکر یہ ہوتی ہے کہ کہیں میرا مال نہ کم ہوجائے۔ایک صحابی نے حضور صلی اللہ علیہ وسلم سے یہی پانچ غم بیان کیے،یہ حدیث کنز العمال میں موجود ہے، آپ نے فرمایا کہ تم یہ دعا پڑھ لیا کرو ان شاء اﷲ ان پانچوں غموں سے بے فکر رہو گے۔ ان صحابی نے کچھ دن پڑھ کر آکے بتایا کہ یارسول اﷲ(صلی اﷲ علیہ وسلم)! جب سے میں نے یہ وظیفہ پڑھنا شروع کیا ہے میرا قلب ان پانچوں غموں سے آزاد ہوکر بالکل چین و سکون سے رہتا ہے۔ اب آپ وہ وظیفہ بھی سیکھ لیجیے اور تین دفعہ میرے ساتھ پڑھ بھی لیجیے۔ وہ دعا ہے بِسْمِ اللہِ عَلٰی دِیْنِیْ وَنَفْسِیْ وَ وَلَدِیْ وَ اَھْلِیْ وَ مَالِیْ 12؎ اس دعا کو روزانہ تین دفعہ پڑھنا چاہیے۔ قیامت کے دن آسان حساب کی دعا حضور صلی اﷲ علیہ وسلم نے ایک دعا اور سکھائی: اَللّٰھُمَّ حَاسِبْنِیْ حِسَابًا یَّسِیْرًا 13؎اے اﷲ! قیامت کے دن میرا حساب آسان لینا ہماری ماں، آپ صلی اللہ علیہ وسلم کی بیوی اور صدیقِ اکبر کی بیٹی حضرت عائشہ صدیقہ رضی اﷲ عنہا نے حضور صلی ا للہ علیہ وسلم سے پوچھا کہ اس دعائے نبوت کی شرح فرمائیے کہ آسان حساب کیسے لیا جائے گا؟ تو آپ صلی اللہ علیہ وسلم نے فرمایا اس کی شرح یہ ہے کہ اﷲ تعالیٰ قیامت کے دن ہمارے نامہ اعمال کو سامنے رکھیں، ایک نظر دیکھیں، بس اور کچھ نہ پوچھیں اور کہیں کہ جاؤجنت میں،یہ نہ پوچھیں کہ نماز کتنی پڑھی تھی اور پڑھی تھی تو کیسی پڑھی تھی بس اﷲ پاک کچھ نہ پوچھیں اور کہیں کہ جاؤ جنت میں۔ لہٰذا دوستو! یہ دعا بھی مانگا کرو۔ _____________________________________________ 12؎کنزالعمال:141/2(3506)، فصل فی جوامع الادعیۃ ،مؤسسۃ الرسالۃ 13؎کنز العمال :212/2 (3814)، فصل فی جوامع الادعیۃ،مؤسسۃ الرسالۃ