صحبت شیخ کی اہمیت |
ہم نوٹ : |
 |
صحبتِ شیخ میں رہنے کی مدت جب یہ آیت نازل ہوئی کہ اے ایمان والو! اﷲ والوں کے ساتھ رہو کُوۡنُوۡا مَعَ الصّٰدِقِیۡنَ 14؎ تو اس کی تفسیر میں علامہ آلوسی رحمۃ اﷲ علیہ نے فرمایا کہ بھئی اللہ والوں کے ساتھ کتنا رہو؟ آخر رہنے کی کوئی مقدار تو ہوگی۔ تو فرمایا خَالِطُوْھُمْ لِتَکُوْنُوْا مِثْلَھُمْ 15؎ اتنا رہو کہ تم بھی اُن ہی جیسے ہوجاؤ۔ دیکھیے مرغی کا چھوٹا سا بچہ پیدا ہو اور فوراً مرغی کے پاس سے بھاگ جائے تو بلی کھا جائے گی یا نہیں؟ جب تک بچہ مرغی کے برابر نہ ہوجائے مرغی کے پر میں رہے اور اسی کے ساتھ دانہ چگے،مرغی اس کو دانہ کھانا سکھائے گی۔ اسی طرح اﷲ والے بھی اپنے متعلقین کو ذکر کرنا اور آہ ونالہ کرنا سکھاتے ہیں، اﷲ کی یاد میں رونا بھی سکھاتے ہیں، اللہ سے فریاد ومناجات کرنا بھی سکھاتے ہیں ؎ کس طرح فریاد کرتے ہیں بتادو قاعدہ اے اسیرانِ قفس میں نو گرفتاروں میں ہوں جب چوزے چھوٹے ہوتے ہیں تو اگر ان کے پاس کوئی جائے تو مرغی اُسے دوڑا لیتی ہے مگر جب چوزہ مرغی بن جاتا ہے پھر اسے نگرانی کی ضرورت نہیں رہتی، اسی طریقے سے کسی اللہ والے کے پاس زندگی میں چالیس دن گزار لو تو ان شاء اللہ آپ کی روح کو حیاتِ نو مل جائے گی۔ شریعت پر عمل کے لیے ہمتِ مردانہ چاہیے میں آپ سے ایک بات عرض کرتا ہوں، ساٹھ برس کے بعض بڈھوں کو حکومت کی جانب سے آرڈر آیا کہ اگر تم ایک مہینے میں یہ امتحان پاس کر لو تو تمہاری تنخواہ پانچ سو یا ہزار روپے زیادہ ہوجائے گی تو سفید بالوں والے بڈھے آدمی بارہ بارہ بجے رات تک سبق یاد کررہے ہیں، میں نے کہا کہ یہ سبق کیوں یاد کررہے ہیں؟کہا کہ تنخواہ بڑھوانے کے لیے۔ مگر آج کوئی _____________________________________________ 14؎التوبۃ:119 15؎روح المعانی:56/11 ، التوبۃ (119)،داراحیاء التراث، بیروت