محبت الہیہ کی عظمت |
ہم نوٹ : |
 |
لذتِ نامِ خدا بے مثل ہے دوستو! اﷲ تعالیٰ فرماتے ہیں کہ میرا کوئی مثل نہیں ہے: وَ لَمۡ یَکُنۡ لَّہٗ کُفُوًا اَحَدٌ 8؎اﷲتعالیٰ بے مثل ہیں، ان کے جیسا کوئی نہیں، لہٰذا جس کے دل میں اﷲ آتا ہے اس کا دل بھی بے مثل ہوجاتا ہے۔ اﷲ کے نام کی لذت بے مثل لذت ہے۔ مولانا رومی رحمۃ اﷲ علیہ نے اسی لیے دعویٰ فرمایا ؎ اے دل ایں شکر خوشتر یا آنکہ شکر سازد اے دل ایں قمر خوشتر یا آنکہ قمر سازد اے شکر پر مرنے والو! یہ شکر زیادہ میٹھی ہے یا شکر پیدا کرنے والا؟یہ چاند زیادہ حسین ہے یا چاند کو حسن دینے والا زیادہ حسین ہے؟ جو لیلاؤں کو نمک دے کر قبرستان میں ان لیلاؤں کو ختم کردیتا ہے، پھر اگر قبر کھود کر دیکھو تو تم کو ان کے گال کا کوئی نمک، ان کی آنکھوں کی کوئی بناوٹ نظر نہیں آئے گی۔ مٹی کے ڈسٹمپروں پر اﷲ نے کیا کرشمہ دکھایا اور اپنے کرم سے حکم دے دیا کہ دیکھنا مت۔ ان کو ہم نے نمکین، چمکین، دمکین اورحسین بنایا ہے لیکن دیکھنا مت، کیوں کہ ہم چاہتے ہیں کہ نہ دیکھنے کا تم غم اُٹھالو پھر ہم تمہارے ہیں ؎ ہم تمہارے تم ہمارے ہوچکے دونوں جانب سے اشارے ہوچکے ذرا غم اٹھالو، پھر اﷲ ایسی بے مثل لذت دے گا کہ ساری دنیا کی لیلائیں نگاہوں سے گرجائیں گی۔ مولائے کائنات ساری دنیا کی لیلاؤں کو نمک دیتا ہے۔ بس اب ترجمہ سن لو جلدی جلدی،کیوں کہ مجھے ڈاکٹروں نے کم بولنے کی ہدایت کی ہے، کیوں کہ مریض ہوں میں لیکن کیا کہوں ؎ _____________________________________________ 8؎الاخلاص:4