محبت الہیہ کی عظمت |
ہم نوٹ : |
 |
احد کے دامن میں زیارت کے لیے جائے، تو اﷲتعالیٰ سے یہ دعا ضرور مانگ لے کہ اے خدا! یہ ستر شہید آپ پر فدا ہوئے اور اپنے خونِ شہادت سے آپ سے وفاداری کا ثبوت دے گئے ہمیں بھی ان کی وفاداری سے کچھ حصہ عطا فرما کہ ہم اپنے لعنتی کاموں سے توبہ کرلیں۔ بدنظری کرنے والوں کے لیےحضور صلی اللہ علیہ وسلم کی بددعا سرورِ عالم صلی اﷲ تعالیٰ علیہ وسلم کا ارشاد سن لو: لَعَنَ اللہُ النَّاظِرَ وَالْمَنْظُوْرَ اِلَیْہِ 4؎اس ظالم پر جو اﷲ کے حکم کو توڑتا ہے اور اپنا دل نہیں توڑتا اور دعوائے بندگی بھی کرتا ہے، اس ظالم پر اے خدا! لعنت فرما۔ اب بتاؤ کہاں جاؤ گے؟ کیا ہم پیروں کی بددعا سے ڈریں اور سرورِ عالم صلی اﷲ علیہ وسلم کی بددعا سے نہ ڈریں؟ جن کی غلامی کے صدقے میں پیر بنتا ہے، ان کی دعا سے نہ ڈرنا کتنی بڑی حماقت ہے۔ بولو بھئی! پیروں کی اذیت رسانی سے ڈرتے ہیں اور سرورِ عالم صلی اﷲ علیہ وسلم کے فرمانِ عالی شان زِنَا الْعَیْنِ النَّظَرُ 5؎ کہ کسی کی بہو، بیٹی کو بیوی کو دیکھنایہ آنکھوں کا زنا ہے، اس کو اہمیت نہیں دیتے۔ بعض بے وقوف لوگ سمجھتے ہیں کہ نہ لیا نہ دیا صرف دیکھ لیا تو اس میں کیا مضایقہ ہے؟ ایسے ذائقہ میں کیا مضایقہ ہے؟ کہ نہ لیا نہ دیا صرف دیکھ لیا، لیکن دیکھنے ہی کو سرورِ عالم صلی اﷲ علیہ وسلم فرماتے ہیں کہ یہ آنکھوں کا زِنا ہے ۔اب بتاؤ آنکھوں کا زِناکار ولی اﷲ ہوسکتا ہے؟ دوستو! آج ارادہ کرلو کہ جان دے دیں گے، نہ دیکھنے کے غم میں ہم جان فدا کردیں گے اﷲ پر۔ بتاؤ جو جان خدائے تعالیٰ پر فدا ہو مبارک ہے یا نہیں؟ اﷲ تعالیٰ نے طاقت دی ہے۔ اﷲ تعالیٰ نے ہر انسان کو نظر بچانے کی طاقت دی ہے ایک عالم نے حکیم الامت تھانوی رحمۃ اﷲ علیہ کو خط لکھا کہ مجھ کو دیکھنے کی طاقت _____________________________________________ 4؎کنزالعمال:338/7،(19162) ،فصل فی احکام الصلٰوۃ الخارجۃ،مؤسسۃ الرسالۃ 5؎صحیح البخاری2/ 922-923باب زنا الجوارح دون الفرج ، المکتبۃ المظہریۃ