بعثت نبوت کے مقاصد |
ہم نوٹ : |
 |
کو ولی اللہ بنانا ہے تو اسی وقت ہم سب کے سب ولی اللہ ہوجائیں گے۔ اللہ تعالیٰ اپنی رحمت سے اس آیت کی تفسیر کے صدقے میں ارادہ فرمالے۔ اے اللہ! آپ ارادہ فرمالیں اور ہم سب کو،ہماری اولاد کو، ہمارے خاندان کو، ہمارےاحباب کو غرض ہم سب کو مزکّٰی،مجلّٰی، مصفّٰی بناکر اپنا ولی بنالیں، ہم سب کا تزکیہ ہوجائے۔ اور آپ حکیم ہیں کہ آپ قدرت کا استعمال حکیمانہ کرتے ہیں اَلَّذِیْ یَسْتَعْمِلُ قُدْرَتَہٗ بِا الْحِکْمَۃِ جو اپنی قدرت کو حکمت کے ساتھ استعمال کرے ۔کیوں کہ ایک ریچھ تھا وہ اپنےآقا کو پنکھا جھل رہا تھا، مالک نے اس کو سکھادیا تھا وہ اپنی طاقت کو صحیح استعمال کررہا تھا اتنے میں ایک مکھی آقا کی ناک پر بیٹھ گئی تو اس نے ہٹادیا،تھوڑی دیر بعد پھر بیٹھ گئی جب کئی دفعہ بیٹھی تو ریچھ کو غصہ آگیا اور وہ ایک پتھر لایا،اب جو مکھی بیٹھی تو مالک کی ناک پر پانچ کلو کا ایک بڑا پتھر لاکر مار دیا۔نہ اس کی ناک رہی نہ مکھی،ناک بھی غائب مکھی بھی غائب۔تو حضرت تھانوی رحمۃ اللہ علیہ فرماتے ہیں کہ بھالو نے طاقت تو استعمال کی مگر غیرحکیمانہ، تو اے خدا! آپ جو طاقت استعمال فرماتے ہیں وہ حکیمانہ ہوتی ہے کہ جس سے بندوں کا نقصان نہیں ہوتا۔ لَنۡ یُّصِیۡبَنَاۤ اِلَّا مَا کَتَبَ اللہُ لَنَا 13؎ہمیں ہر گز کوئی مصیبت نہیں آسکتی مگر جو آپ نے ہمارے فائدے کے لیے لکھ دی ہے۔بعض وقت مصیبت سے بندے ولی اللہ ہوگئے۔ میرا ایک شعر یاد آیا،میرا شعر ہے اختر کا۔ بعض لوگ کہتے ہیں میرا کیوں کہتے ہو، میں کہتا ہوں تو کیا تیرا کہہ دوں؟ جب میرا شعر ہے تو تیرا کیوں کہوں۔ غور سے سنیے ؎ آپ تک لائی جو موجِ رنج و غم اس پہ قرباں سینکڑوں ساحل ہوئے کروڑوں کروڑوں بے سکونیاں اور پریشانیاں اس غم پر فدا ہوجائیں جو غم ہمیں اے اللہ! آپ تک پہنچادے۔ مولانا رومی نے لکھا ہے کہ ایک شخص اپنے معشوق کی تلاش میں تھا اور کوتوال شہر نے اس کو سمجھا کہ یہ پاگل ہے یا چور ہے۔کہا: بارہ بجے رات کو کہاں پھررہے ہو؟ کہا: میں اپنے محبوب کی تلاش میں ہوں۔اتنے میں اس نے مارنا شروع کردیا، بید پر بید لگائے، وہ بھاگتا رہا یہاں تک کہ ایک گلی میں مڑ گیا،کوتوال کا گھوڑا نہیں مڑسکا،پتلی گلی تھی،یہ جیسے ہی مڑا _____________________________________________ 13؎التوبۃ:51