نفس کے حملوں سے بچاؤ کے طریقے |
ہم نوٹ : |
 |
کبھی اللہ کے عاشق خاموش ہوجاتے ہیں تو یہ نہ سمجھو کہ ہمیں ان سے کچھ نہیں ملے گا۔ جب وہ خاموش ہوجائیں اللہ تعالیٰ کے حکم سے یاغلبۂ حال سے، تو سمجھ لو کہ ان کے بال بال زبان بن گئے۔ یہ اس فقیر کا شعر ہے ؎عشق جب بے زبان ہوتا ہے رشکِ صد ہا بیان ہوتا ہے جب اللہ کے عاشقوں کی زبان خاموش ہوجاتی ہے، تب بھی ان کے روحانی فیض کا یہ عالم ہوتا ہے کہ سینکڑوں زبانیں اس پر رشک کرتی ہیں ؎خرد ہے محوِ حیرت اس زباں سے بیاں کرتی ہے جو آہ و فغاں سے لُغَت تعبیر کرتی ہے معانی محبت دل کی کہتی ہے کہانی کہاں پاؤ گے صدرا بازغہ میں نہاں جو غم ہے دل کے حاشیہ میں یہ دولت دردِ اہلِ دل کی اخترؔ خدا بخشے جسے اُس کا مقدر قسمت والوں کو اللہ تعالیٰ کی محبت کا درد ملتا ہے، چاند اور سورج کا خالق جس دل میں آئے گا اس کے دل کا کیا عالم ہوگا ؎ارے یارو جو خالق ہو شکر کا جمالِ شمس کا نورِ قمر کا نہ لذت پوچھ پھر ذِکر خدا کی حلاوت نام پاکِ کبریا کی