نفس کے حملوں سے بچاؤ کے طریقے |
ہم نوٹ : |
 |
اب لطیفہ سن لیجیے! حکیم الامت حضرت تھانوی رحمۃ اللہ علیہ فرماتے ہیں کہ ایک شخص کو بہت اونچے پیمانے کی ، بلند پایہ اردو بولنے کا شوق تھا اور تھادیہاتی ۔ وہ شہر گیا اور دو مولویوں کو سنا کہ آپس میں ملاقات کے بعدجاتے ہوئے انہوں نے کہا:اچھا اب میں ’’ مُرَخَّصْ ‘‘ ہو رہا ہوں۔ راء ، خاء ، صاد اس کا مادّہ ہے یعنی رخصت ہورہا ہوں۔ تو اس دیہاتی نے سوچا کہ آج تو بڑا شاندار لفظ مل گیا، بس اپنے گاؤں جاکر میں بھی رعب جماتا ہوں۔ گاؤں میں بے چارا ایک دیہاتی مولوی تھا، اس نے سوچا کہ اس کو تو پتا ہی نہیں ہوگا،لہٰذا اپنی قابلیت کا سکہ جماؤں گا۔خالی مرخص بولنے کے لیے مولوی صاحب سے ملاقات کے لیے گیا کہ وہا ں یہ لفظ بولوں گا، تو گاؤں میں میرا رعب جمے گا اور سارے گاؤں والے میرے معتقد ہو جائیں گے کہ یہ تو بہت ہی قابل آدمی ہے، اردو کا ادیب ہے، پی ایچ ڈی اور ماسٹر ہے اردو ادب کا ۔ وہ مولوی صاحب سے مصافحہ کرکے کچھ باتیں کرتا رہا لیکن اس کا مقصد وہ لفظ بولنا تھا۔ اس لیے جلدی سے واپس ہونے لگا لیکن جب وہ لفظ بولنا چاہا تو بھول گیا کہ کیا لفظ تھا، بہت غور کیا، ٹوپی اُتار کر سر کھجلایا، آخرمیں کہنے لگا کہ اچھا اب میں مخنث ہورہا ہوں۔ مرخّص تو یاد نہیں آیا تو سمجھا کہ شاید مخنث ہی صحیح ہو۔ تو جب اس نے کہا کہ اب میں مخنث ہورہا ہوں تو مولوی صاحب نے کہا کہ بھائی آپ کو اختیار ہے، میں آپ کو کیسے روک سکتا ہوں؟یہ لطیفہ ہمارے اکابر کا ہے اور اکابر کے طریقے پر اس کو پیش کردیا ۔ آدمی ذرا ساہنس لیتا ہے تو دماغ حاضر ہوجاتاہے، طبیعت میں نشاط پیدا ہوجاتا ہے، انشراحِ قلب نصیب ہوجاتا ہے۔ دوسرا شعر حضرت خواجہ عزیز الحسن مجذوب رحمۃ اللہ تعالیٰ علیہ کا نفس کی خاصیت پر ہے ؎نفس کا اژدھا دِلا دیکھ ابھی مَرا نہیں غافل اِدھر ہوا نہیں اس نے اُدھر ڈسا نہیں اب اس پر میں نے پہلے قصہ بیان کیا تھا کہ ایک گاؤں والا ایک پہاڑ پرگیا، تو دیکھا کہ ایک اژدھا بالکل مُردہ پڑا ہوا ہے حالاں کہ تھا زندہ، لیکن ٹھنڈک سے وہ مُردہ سا ہوگیا تھا، وہ سمجھا کہ یہ مرچکا ہے، لہٰذا اس کو ایک فرلانگ گھسیٹ کر گاؤں لے آیا۔ لوگ جمع ہوگئے تو اس نے فوراً اپنے کمالات کا اظہار شروع کر دیا کہ دیکھو مجھ جیسا ماہرِ فن کوئی ہے؟ کتنا بڑا اژدھا میں پہاڑ سے شکار کرکے لایا ہوں، اتنے زہریلے اژدھے کو میں نے مارا ہے ۔اتنے میں سورج نکل آیا اور