مقام اولیاء صدیقین |
ہم نوٹ : |
 |
ہماری حیات کی بنیاد ہے۔ مولانا شاہ محمد احمد صاحب رحمۃ اللہ علیہ پڑھا کرتے تھے ؎ترا ذِکر ہے مری زندگی ترا بھولنا مری موت ہے تو جب بھولنا موت ہے تو گناہ کرنا تو بھولنے سے بہت زیادہ شدید ہے۔ بھولنا تو یہ ہے کہ آج تلاوت نہیں کی، ذکر نہیں کیا۔اور گناہ کیا ہے؟ غفلت کا فردِ کامل ہے، بھولنے کی اعلیٰ درجہ کی بدمعاشی ہے۔ بدمعاشی کی کئی قسمیں ہوتی ہیں مکروہ تنزیہی ہے، مکروہ تحریمی ہے، حرام ہے، پھر اس سے بڑھ کر کفر ہے، شرک ہے۔ نعوذباللہ۔ تو اس لیے عرض کرتا ہوں کہ جب کبھی خطا ہوجائے، ایک اعشاریہ حرام لذت آجائے، گوشۂ چشم سے بھی کہیں بدنظری کرلی، گوشۂ چشم کو کن انکھیاں کہتے ہیں، کن انکھیاں کے معنیٰ معلوم ہیں؟ یعنی کونۂ آنکھ۔ غرض جب ایک اعشاریہ بھی حرام لذت دل میں آجائے،فوراً تڑپ جاؤ کہ اب ہماری روح اللہ تعالیٰ کے دردِمہجوری سے ہمکنار ہورہی ہے، لہٰذا فوراً توبہ کرکے بذریعہ رَبَّنَا ظَلَمۡنَاۤ اَنۡفُسَنَا اپنی مہجوری، جدائی اور دوری کو اللہ تعالیٰ کے قرب وحضوری سے تبدیل کرلو۔ شیطان ونفس کے اختیار میں گناہوں سے اگر ہماری دوری دی ہے،لیکن اللہ تعالیٰ نے رَبَّنَا ظَلَمۡنَاۤ اَنۡفُسَنَا نازل فرماکر ہمارے اختیار میں ہماری حضوری بھی دے دی ہے۔ یہ تفسیر روح المعانی کا مضمون ہے۔ علامہ آلوسی رحمۃ اللہ علیہ نے فرمایا کہ یہ آیت کیوں نازل کی گئی؟ تاکہ بندوں سے جب خطا ہوجائے تو رَبَّنَا ظَلَمۡنَاۤاَنۡفُسَنَا وَاِنۡ لَّمۡ تَغۡفِرۡلَنَاوَتَرۡحَمۡنَا لَنَکُوۡنَنَّ مِنَ الۡخٰسِرِیۡنَ 5؎ کا اعتراف کرکے وہ اپنی دوری کو جو گناہوں سے لازمی تھی اس کو حضوری سے تبدیل کرلیں۔ پس اللہ تعالیٰ نے ہمارے اختیار میں ہماری حضور ی بھی دے دی ہے کہ اگر تم نالائقی کرجاؤ اور تم سے گناہ ہوجائے تو توبہ واستغفار سے، آہ وزاری سے، اشکباری سے تم اس مقام پر پہنچ جاؤ جو ہم نے ملائکہ کو بھی نہیں دیا ؎کبھی طاعتوں کا سرور ہے کبھی اعترافِ قصور ہے ہے مَلک کو جس کی نہیں خبر وہ حضور میرا حضور ہے _____________________________________________ 5؎الاعراف:23