تکلیف کے سوا کیا ملے گا ؟تو یہ تکلیف اُٹھانے کا حوصلہ نہ ہونا قلتِ محبت کی علامت ہے۔ حضرت سرمد فرماتے ہیں کہ؎
سرمد گلہ اختصار می باید کرد
یک کار ازیں دو کار می باید کرد
سرمد شکوہ شکایت مت کرو، دو کام میں سے ایک کام کرڈالو؎
یا تن برضائے دوست می باید داد
یا قطع نظر ز یار می باید کرد
یا جسم کو اللہ کی رضا پر فدا کردو یا دوستی و وفاداری کے دعویٰ سے دست بردار ہوجاؤ۔ جو یہ شکوہ گلہ کرتا ہے کہ بھئی نظر بچانا تو بہت مشکل ہے، وہ کس منہ سے کہتا ہے کہ مجھے اللہ تک پہنچنا ہے، اللہ والا بننا ہے۔ اگر شکلوں سے نظر بچانا مشکل ہے تو یہ مشکل تمہاری ہی پیدا کی ہوئی ہے۔ شکل اشکال سے ہے، اشکال کا مادہ شکل ہے، آپ اشکال کے مادے میں گھستے ہی کیوں ہو؟ اسی لیے شکل سے اشکال میں اور اشکال سے مشکل میں پڑجاتے ہو۔ آپ شکلوں کو اگر نہ دیکھیں تو راستہ آسان ہے۔
اللہ کے راستے کی لذّت کیسے ملتی ہے؟
میرے شیخ حضرت مولانا شاہ عبدالغنی صاحب پھولپوری رحمۃ اللہ علیہ فرمایا کرتے تھے کہ حکیم اختر! اللہ کا راستہ مشکل ضرور ہے، مگر اللہ تعالیٰ نے اس کو لذیذ بنانے کا نسخہ قرآنِ پاک میں نازل فرمادیا:
کُوۡنُوۡا مَعَ الصّٰدِقِیۡنَ9؎
اللہ والوں یعنی اللہ سے ڈرنے والوں کے پاس رہو، تو ان کی برکت سے اللہ کا راستہ صرف آسان نہیں ہوگا بلکہ مزیدار بھی ہوجائے گا، ایک ہی سجدے میں مزہ آجائے گا، اس کے
_____________________________________________
9؎ التوبۃ:119
