ہے۔ لہذا اس مسئلہ میں وسعت ہے (یعنی تسبیح یا کنکری وغیرہ کے ذریعہ بھی اللّٰہ تعالیٰ کا ذکر کیا جاسکتا ہے) لیکن انگلیوں پر تسبیح پڑھنا زیادہ بہتر ہے۔۔۔۔
نیز شیخ عبد العزیز بن باز ؒ نے فرمایا ہے کہ بائیں ہاتھ سے بھی تسبیح پڑھنے کی گنجائش ہے، جو ان کی ویب سائٹ پر پڑھی اور سنی جاسکتی ہے۔
علامہ ابن تیمیہ ؒ کا بھی یہی قول ہے۔ نیز فرمایا کہ صحابہ کرام کا کنکریوں پر ذکر کرنا اور نبی اکرم ﷺ کا اس پر سکوت اختیار کرنا احادیث صحیحہ سے ثابت ہے۔ علامہ ابن تیمیہ ؒ نے اقرار کیا ہے کہ بعض صحابہ کرام مثلاً حضرت ابو ہریرہ رضی اللہ عنہ کنکریوں پر تسبیح پڑھا کرتے تھے۔ (مجموعہ فتاوی ج ۲۲ ص ۲۹۷)
نوٹ: صحابی کے کسی عمل پر نبی اکرم ﷺ کا سکوت اختیار کرنا بھی حدیث ہے، جو امت مسلمہ کے لئے قابل عمل ہے۔ پوری امت مسلمہ نے صحابی کے کسی عمل پر نبی اکرم ﷺ کے سکوت کو حدیث اور قابل عمل واستدلال ہونا تسلیم کیا ہے۔
سعودی عرب کے مشہور ومعروف عالم دین شیخ محمد عثیمین ؒ کا بھی یہی قول ہے کہ تسبیح اور بائیں ہاتھ کا استعمال ذکر کے لئے کیا جاسکتا ہے، کیونکہ تسبیح کی اصل یعنی صحابہ کرام کا کنکریوں پر تسبیح پڑھنا احادیث سے ثابت ہے، البتہ انگلیوں سے ذکر کرنا بہتر ہے۔
سعودی عرب کے ایک دوسرے مشہور ومعروف عالم دین شیخ عبد العزیز بن فوزان بن صالح الفوزان اور اسی طرح شیخ محمد حسان کی بھی یہی رائے ہے ۔
اس موضوع پر شیخ عبد الفتاح بن صالح الیافعی کا تحقیقی وتفصیلی مقالہ (حکم اتخاذ
