محبت الہیہ کی عظمت |
ہم نوٹ : |
|
میں اپنی زندگی ضایع نہ کرو۔ بعض لوگ بہت ضایع کرچکے، کچھ چین نہ پایا سوائے اُلّو کی طرح شیطانی فعل میں کھوپڑی اس کی یاد میں گرم ہوئی اور نیند کے لیے ویلیم فائیو کھاتے رہے، پھر کھائی ویلیم ٹین پھر بھی نیند نہ آئی، تو ٹین بجاتے ہوئے پاگل خانے میں چلے گئے۔ آپ پاگل خانے میں جاکے دیکھیں، وہاں نوے فیصد لوگ رومانٹک والے ہیں۔یہ رومانٹک دنیا بحرِ اٹلانٹک میں غرق کرتی ہےاور ڈینٹ فاراسٹک بھی کرتی ہے، آؤٹ آف اسٹاک بھی کرتی ہے اور آؤٹ آف مائنڈ بھی کرتی ہے۔ مولیٰ کو چھوڑ کر کہیں چین نہیں ہے یاد رکھو واﷲ! قسم کھا کر کہتا ہوں اور میری قسم کی کوئی حقیقت نہیں،اﷲ تعالی کا کلام یہ اعلان کررہا ہے: اَلَا بِذِکۡرِ اللہِ تَطۡمَئِنُّ الۡقُلُوۡبُ 13 ؎یاد رکھو! خبردار اﷲ ہی کی یاد سے دلوں کو چین ملتا ہے۔ یہاں ’’ہی‘‘ کا لگانا فرض ہے۔ جو ترجمہ یہ کردے کہ اﷲ کی یاد سے دل کو چین ملتا ہے، اس کا ترجمہ صحیح نہیں ہے۔ کیوں؟ بِذِکۡرِ اللہِ مقدم ہے اور تَقْدِیْمُ مَاحَقُّہُ التَّاخِیْرُ یُفِیْدُ الْحَصْرَ قواعدِ عربی کے اعتبار سے اس کا ترجمہ ہے کہ اﷲ ہی کے ذکر سے تم کو چین ملے گا۔ قرآنِ پاک پر ایمان لانے والو! چین کہاں تلاش کیا جارہا ہے؟ ننگی ٹانگوں میں؟ اس لیے دیکھو! رومانٹک دنیا بے چین اور پریشان ہے۔ ایسی کتے کی زندگی ہے دنیاوی عاشقوں کی کہ بس کچھ مت پوچھو۔ ایک پل چین نہیں ہے اور جب حسن بگڑ گیا، تو اس کا حال میں نے اس شعر میں بیان کیا کہ ؎ اِدھر جغرافیہ بدلا اُدھر تاریخ بھی بدلی نہ اُن کی ہسٹری باقی نہ میری مسٹری باقی تو بخاری شریف کی دعا ہے کہ اے اﷲ! اپنی اتنی محبت مجھے دے دے کہ میری جان سے زیادہ آپ پیارے ہوجائیں۔ جس کی کسوٹی یہ ہے کہ سڑکوں پر ان حسینوں کو مت دیکھو، تو سمجھ لو پھر اﷲ جان سے زیادہ پیارا ہے،کیوں کہ جان کو تکلیف ہورہی ہے اور یہ اﷲ کی محبت میں جان کی پروا نہیں کرتا، جان پر تکلیف جھیل لو، اﷲ کے غضب کو مت خریدو، تو سمجھ لو اب جان سے زیادہ اﷲ پیارا ہوگیا اور اہل و عیال اور بال بچوں سے بھی زیادہ اﷲ پیارا ہوگیا۔ اور تیسری دعا ہے وَمِنَ الْمَاءِ الْبَارِدِ اور اے اﷲ! پیاس میں ٹھنڈا پانی پی کر جو _____________________________________________ 13؎الرعد:28