لگے گی، بہت جلد ایک قوم ہم اپنے عاشقوں کی پیدا کریں گے جو ان بے وفاؤں کا نعم البدل ہوگی۔ جو تمہیں انسان بناسکتا ہے کیا وہ تمہیں ولی اللہ نہیں بناسکتا؟ انسان بنانا زیادہ مشکل ہے یا انسان بناکر ولی بنانا؟
عظیم الشان دلیل وحدانیت
وہ ماں کے حیض اور باپ کی منی سے کیسی پیاری شکل بنادیتا ہے۔ ماں کے پیٹ میں کسی سائنس دان کا کوئی اوزار اور مشین نہیں داخل ہوتی۔ اللہ تعالیٰ فرماتے ہیں:
ہُوَ الَّذِیۡ یُصَوِّرُکُمۡ فِی الۡاَرۡحَامِ2؎
ماؤں کے پیٹ میں ہم تمہیں تشکیل دیتے ہیں، باپ کی منی اور ماں کے حیض پر ہم تمہاری تصویر کھینچتے ہیں۔ تمہارا چہرہ اور چہرے پر دو آنکھیں، دو کان اور ناک ہم فٹ کرتے ہیں،جسم کے اندر جگر، دل اور پھیپھڑے ہم بناتے ہیں، تمہارا ذرّہ ذرّہ ہمارا بنایا ہوا ہے، اس کام میں پوری کائنات دعویٰ نہیں کرسکتی، نہ امریکا، نہ جرمن، نہ جاپان کہ ہمارے سائنسی آلات سے انسان پیدا ہوا ہے۔ اللہ تعالیٰ کا چیلنج ہے کہ ہم نے پانی پر تمہاری تصویر بنائی ہے، ہمارے سوا کون ہے جو پانی پر تصویر بناسکے۔ منی اور حیض کے پانی پر صرف ہم تصویر کھینچتے ہیں ؎
دہد نطفہ را صورتے چوں پری
کہ کردہ ست بر آب صورت گری
نطفے کو کیسی پیاری شکل اللہ تعالیٰ دے دیتا ہے کہ نو مہینے کے بعد باپ کی منی کا قطرہ اور ماں کا حیض کس حسین شکل میں نمودار ہوتا ہے، لہٰذا جب ہم انسان بناسکتے ہیں تو انسان کو ایمان بھی دے سکتے ہیں اور ایمان کے ساتھ اعلیٰ درجے کا ولی اللہ بھی بناسکتے ہیں، ہمارے لیےیہ کچھ مشکل نہیں۔
زبان و رنگ سے بالاتر ایک بے مثل قوم
لہٰذا جو دین سے بے وفاہوکر اللہ اور رسول کو چھوڑ کر بھاگ گئے اور دوبارہ یہودی اور
_____________________________________________
2؎ اٰل عمرٰن:6
