Deobandi Books

اے میرے خریدار! آپ گناہوں کی طرف کھینچنے والی تمام قوتوں پر غالب ہیں، گناہوں کے معاملے میں ہم عاجز و مغلوب ہورہے ہیں، آپ اپنے کرم سے ہم کو خرید لیجیے اور ہمیں ہمارے دست و بازو کے حوالے نہ کیجیے، ہمارے دست و بازو سے ہمیں کھینچ لیجیے اور اپنی رحمت سے توفیق و ہمت دے دیجیے، مرتے دم تک ایک گناہ بھی ہم سے نہ ہو اور اگر کبھی خطا ہوجائے تو توفیقِ توبہ سے ہمیں اس طرح پاک کیجیے اور اس طرح پیار کیجیے جیسے ماں چھوٹے بچے کو پاخانہ پھرنے کے بعد دھلادیتی ہے اور پھر کپڑے بدل کر اسے پیار بھی کرتی ہے۔ آپ ہمیں توفیق توبہ دے کر اپنے آبِِ رحمت میں نہلادیجیے اور ہمارے لباسِ فاسقانہ کو لباسِ تقویٰ سے تبدیل کردیجیے اور پھر آپ ہمارا پیار بھی لے لیجیے۔
وَاٰخِرُ دَعْوَانَا اَنِ الْحَمْدُ لِلہِ رَبِّ الْعَالَمِیْنَ 
وَصَلَّی اللہُ تَعَالٰی عَلٰی خَیْرِ خَلْقِہٖ مُحَمَّدٍ وَّاٰلِہٖ وَصَحْبِہٖ اَجْمَعِیْنَ
 بِرَحْمَتِکَ یَااَرْحَمَ الرَّاحِمِیْنَ
دامن فقر میں پنہاں ہے تاج قیصری
ذرّہ ٔدرد وغم ترادونوں جہاں سے کم نہیں
اُن کی نظر کے حوصلے رشک ِ شہانِ کائنات
وسعتِ قلب عاشقاں ارض وسماں سے کم نہیں
              اختر