ماہنامہ انوار مدینہ لاہور جنوری 2016 |
اكستان |
 |
کار زار میں ہمت و جوانمردی کے وہ کارہائے نمایاں اَنجام دیے جنہیں تاریخ کبھی فراموش نہیں کر سکتی۔ پھر یہی غیرتِ اِسلامی کبھی اُنہیں چاندا پور ضلع شاہجہاںپور کے ''میلہ ٔ خدا شناسی'' میں لے جاتی ہے اور بزمِ مباحثہ میں تمام مذاہب کے ماننے والوں کے سامنے اِسلام کی حقانیت اور اُس کی برتری ثابت کر واتی ہے تو کبھی ضعف وکمزوری اور علالت و نقاہت کے باوجود رڑ کی اور میر ٹھ کا سفر کرنے پر مجبور کرتی ہے اور آریہ سماجیوں کے تیز و تند اِعتراضات کے دنداں شکن جوابات دلوا کر اِسلام کے حوالے سے شکوک و شبہات کا قلع قمع کر وادیتی ہے۔ نیزاِسی اِیمانی حمیت کی بنا پر حضرت نا نو توی نے اِصلاحِ معاشرہ کی کوششوں کے تحت نکاحِ بیوگان کا اِحیاء کیا، لڑکیوں کے حق ِوراثت کی لڑائی لڑی اور شیعیت کے زیر اَثر ماتم وتغزیہ داری کی جڑ پکڑی ہوئی رسموں کواُکھاڑ پھینکا اور سب سے بڑھ کر یہ کہ اِنتہائی نا مساعد حالات اور بے سرو سامانی کے عالَم میں اِسلام کی حفاظت و بقاء کے لیے دارُ العلوم دیو بند کی بنیاد ڈال کر مدارسِ ِاِسلامیہ کی تحریک شروع کی۔ حمیت ِ دینی کی بنا ء پر آپ کے اپنی جان تک قربان کر دینے اور سر کی بازی لگا دینے کے جذبے کا پتہ شاملی کے میدانِ کارزار کے ساتھ ساتھ مندرجہ ذیل واقعہ سے بھی ہوتاہے جس کے راوی حضرت مولانا قاری محمد طیب صاحب رحمة اللہ علیہ ہیں۔ ''محل کی مسجد '' جس میں آج کل مولانا حسین اَحمد صدر دارُ العلوم دیوبند پانچوں وقت کی نماز پڑھتے ہیں، یہی مسجد دیوان جی (حاجی محمد یٰسین) کے محلہ کی مسجد تھی، تعزیہ اِس مسجد میں بھی رکھا جا تا تھا اورمحرم میں اِسی مسجد سے وہ تعزیہ اُٹھتا تھا اُٹھانے والے سنی ہوتے تھے کچھ شیعہ گھرانے بھی اِس جگہ تھے ،دیوان جی نے سب سے پہلے اپنے محلہ کی اِسی مسجد کو تعزیہ کے قصہ سے پاک کرنے کا اِرادہ کیا اور