ماہنامہ انوار مدینہ لاہور جنوری 2016 |
اكستان |
|
آپ نے صرف اُن سے اَفرادی قوت یعنی کام کرنے کے لیے مزدُوروں کا مطالبہ کیا، آپ نے پورے علاقے کا اچھی طرح معائنہ کیا اور اُس جگہ کو دیکھا جہاں سے یاجوج و ماجوج داخل ہو کر حملہ آور ہوتے اور قتل و غارت گری اور لوٹ مار کا بازار گرم کرتے تھے، بستی کے چاروں طرح بلند پہاڑ تھے جو پوری بستی کے گرد ایک آڑ کا کام کر رہے تھے جن پر چڑھ کر اُنہیں عبور کرنا یاجوج وماجوج کے بس سے باہر تھا،اِن دو پہاڑوں کے درمیان موجود گھاٹی سے وہ حملہ کرتے تھے، آپ نے دوپہاڑوں کے درمیان خالی جگہ میں آڑ اور بندش بنانے کا فیصلہ کیا، آپ نے اُن لوگوں سے کہا کہ آگ جلاؤ اور اُس میں لوہے کو پگھلاؤ تاکہ خوب سخت اور مضبوط آڑ تیار ہوجائے پھر اُس پر پگھلا ہوا تانبا ڈال دیا، آڑ قائم ہوجانے کے بعد اپنی پرانی عادت کے موافق یاجوج وماجوج جب حملہ آور ہوئے تواُنہیں اپنے سامنے رُکاوٹ نظر آئی اُنہوں نے چاہا کہ اِس آڑ کو کاٹ ڈالیں یا اِس کے اُوپر چڑھ جائیں اور اِس رُکاوٹ کو عبور کرلیں مگر اُن کی تمام کوششیں رائیگاں گئیں اور وہ نامراد ہو کر واپس لوٹ گئے، وہ لوگ یہ دیکھ کر بہت خوش ہوئے اور بے خوف و خطر اپنی زندگی بسر کرنے لگے، حضرت ذو القرنین نے اُن سے فرمایا : ( ھٰذَارَحْمَة مِّن رَّبِّیْ فَاِذَا جَآئَ وَعْدُ رَبِّیْ جَعَلَہ دَکَّآئَ وَکَانَ وَعْدُ رَبِّیْ حَقًّا) (سُورة الکھف : ٩٨) '' یہ ایک مہربانی ہے میرے رب کی پھرجب آئے وعدہ میرے رب کا، گرادے اِس کو ڈھا کر، اور ہے وعدہ میرے رب کا سچا۔'' ماہنامہ اَنوار مدینہ لاہور میں اِشتہار دے کر آپ اپنے کاروبار کی تشہیر اور دینی اِدارہ کا تعاون ایک ساتھ کر سکتے ہیں ! نرخ نامہ بیرون ٹائٹل مکمل صفحہ 2000 اَندرون رسالہ مکمل صفحہ 1000 اَندرون ٹائٹل مکمل صفحہ 1500 اَندرون رسالہ نصف صفحہ 500