ماہنامہ انوار مدینہ لاہور فروری 2010 |
اكستان |
 |
قسط : ٢ ، آخری ہیں کواکب کچھ ، نظر آتے ہیں کچھ دیتے ہیں دھوکا یہ بازی گر کھلا راہبر کے رُوپ میں راہزن زید زمان المعروف زید حامد کا تعارف اور اِن جیسے دُوسرے ملحدین کا طریقۂ وَاردات اور اِن کے دجل و فریب سے بچنے اور محفوظ رہنے کی تدابیر ( حضرت مولانا سعید احمد صاحب جلال پوری مدظلہم ) قدرت ِالٰہیہ کا اُصول ہے کہ ہر شر میں کوئی نہ کوئی خیر کا پہلو نکل آتا ہے، چنانچہ ہماری اِس مختصر سی تحریر کی اشاعت کے بعد اگرچہ اپنے ہی حلقہ کے کچھ حضرات کو اِضطراب اور بے چینی ہوئی اور رَاقم کو اُن کی تیز و تند تنقید کا سامنا کرنا پڑا، لیکن اِس کا ایک بڑا فائدہ یہ ہوا کہ اِس کی برکت سے ایک فتنہ اَور فتنہ پرور کی سازش بے نقاب ہوگئی اَور مستقبل میں اِس کے خطرناک اور تباہ کن نقصانات کی طرف مسلمانوں کو متوجہ کرنے کا موقع مل گیا، خدا کرے کہ ہماری یہ ادنیٰ سی کوشش مسلمانوں کے دین و ایمان کی حفاظت و صیانت کا اَور زید زمان کی ہدایت و توبہ کا ذریعہ ثابت ہو۔ جناب زید حامد اور اُس سے اخلاص رکھنے والے مسلمانوں کی خدمت میں عرض ہے کہ مجھے نہ تو زید حامد سے کوئی ذاتی پرخاش ہے اَور نہ ہی میرا اُس سے کوئی جائیداد یا خاندان کا جھگڑا ہے۔ سچی بات یہ ہے کہ میرا آج تک اُس سے آمنا سامنا بھی نہیں ہوا، اس لیے اگر وہ آج اپنے اِن عقائد و نظریات سے توبہ کرلے یا کذاب یوسف علی پر دو حرف بھیج دے تو میں اُس کو گلے لگانے کو تیار ہوں اور اپنی اِس تحریر سے کھلے