ماہنامہ انوار مدینہ لاہور فروری 2010 |
اكستان |
 |
واقعہ سنایا۔ ایک کوٹھی میں دن کے دس گیارہ بجے دھوپ میں تشریف فرما تھے ، حضرت مولانا حسین احمد مدنی کا تذکرہ چل رہا تھا ۔فرمایا کہ ہم نے مشرقی پنجاب میں تبلیغی جماعت بھیجنے کا اِرادہ کیا ۔جن لوگوں کو ہم نے ( بقیہ حاشیہ ص ٢١) کے پاس گھنٹوں دوزانو بیٹھے رہتے تھے ۔ بسا اَوقات ایسا ہوتا تھا کہ حضرت مدنی تحریری کام کرتے ہوتے تھے اور مولانا موصوف اِسی طرح مؤدب بیٹھے رہتے تھے ۔اِن حضرات کا تعلق اِتنا عجیب تھا کہ اِس کی مثال تلاش کرنی مشکل ہے آپ اپنے والد ماجد حضرت شاہ الیاس صاحب رحمة اللہ علیہ کے جانشین اور خلیفہ تھے اور وہ حضرت مولانا خلیل احمد صاحب مہاجر مدینہ طیبہ کے اور وہ حضرت مولانا رشید احمدصاحب گنگوہی کے خلیفہ تھے ۔ دُوسری طرف چونکہ حضرت مدنی حضرت گنگوہی کے خلیفہ تھے اِس لیے حضرت شاہ الیاس صاحب بھی حضرت مدنی کا بہت زیادہ احترام رکھتے تھے رحمہم اللہ ۔ مجھے تبلیغی جماعت کے ایک قدیم کارکن جناب الحاج افتخار احمد صاحب فریدی مراد آبادی مدظلہم نے بتلایا کہ ابتدائی زمانہ میں ہماری خواہش ہوتی تھی کہ اکابر کا تعاون حاصل کیا جائے ۔اِس سلسلہ میںایک دفعہ یہ ذہن میں آیا کہ حضرت مدنی رحمہ اللہ سے جماعت ِتبلیغ کے لیے کوئی تحریرحاصل کی جائے ۔ اِس کی صورت یہ سامنے آئی کہ حضرت مدنی کے ایک عزیزتبلیغی جماعت میںکام کی غرض سے پہلی ہی دفعہ دہلی حضرت شاہ الیاس صاحب کے پاس جا رہے تھے ۔فریدی صاحب اور اُن کے ساتھیوں نے اِن سے کہا کہ آپ حضرت مدنی کی خدمت میں خط لکھ کر اپنے لیے تعارفی اَور سفارشی مکتوب منگا لیں کہ حضرت شاہ الیاس صاحب نظرتوجہ مبذول رکھیں۔ حضرت مدنی اُن دِنوں جیل میں تھے مگر جیل سے انتظام کیا گیا تھا کہ خط روزانہ آتے جاتے رہیں آپ کا جواب آیا جس میں اُن کے تبلیغی سفر پراظہار مسرت فرمایا گیا تھا اَور تحریر تھا کہ بزرگوں کے یہاں سب سے شفقت ہوا کرتی ہے اس لیے سفارشی خط کی ضروت نہیں ، آپ کا جی چاہے تو میری یہی تحریر اُن کی خدمت میں پیش کردیں ۔ اُنہوں نے دہلی جا کر جب یہ تحریر شاہ صاحب کی خدمت میں پیش کی تو اُنھوں نے خوشی سے اِسے سر پر رکھ لیا اور حضرت مولانا یوسف صاحب رحمہم اللہ کو آواز دی ''یوسف دوڑ ، تبلیغ قبول ہو گئی ''۔ اِس سے اِن کا حضرت مدنی سے اِنتہائی گہرا تعلق ثابت ہوتا ہے ۔مجھے خود اِس سے زیادہ وزنی واقعات معلوم ہیں جن میں اُنہوں نے ایک جلیل القدر بزرگ اَور عالم کے مقابلہ میں فوقیت بیان کرتے ہوئے فرمایا تھا کہ اِن جیسے اگر ایک پلہ میں اِتنے رکھے جائیں اور دُوسرے میں تنہا حضرت مدنی ہوں تو یہ پلہ بھاری ہو گا۔(باقی حاشیہ اگلے صفحہ پر)