ماہنامہ انوار مدینہ لاہور ستمبر 2008 |
اكستان |
 |
بیٹی اورنواسوں کی صورت دیکھناچاہتی ہیں تواپنی زبان بندرکھیں اوراِس بات کومسئلہ نہ بنائیں۔'' ماں نے زبان توبندرکھی لیکن وہ اُس بے کلی کا کیاکرتی جس نے اُسے دہکتے اَلاؤ میں جھونک دیا تھا وہ بیٹی کوڈھونڈنے امریکہ جاپہنچی اورتیس کڑوڑ اِنسانوں کے سمندرمیں اپنے جگرکاننھامناساٹکڑاتلاش کرنے لگی ۔ عافیہ کوملناتھا نہ ملی۔ ماں گھر لوٹ آئی اوراِنتظارکادِیاجلاکردہلیزپربیٹھ گئی، میں نے جب کبھی فون کیا ،وہ بولی: ''تمہیں کیابتاؤں ؟ .....کچھ پتہ نہیں چل رہا......جانے وہ کہاں ہے؟ کس حال میں ہے؟ اُس کے بچے کہاں ہیں.......؟ پھراُس کی آوازگہرے پانی میں ڈوب جاتی اورکافی دیربعداُبھرتی ہے۔ اَب کے اُس کی گفتگومیں لفظ کم اورسسکیاں زیادہ ہوتی ہیں اورجب وہ اپنے ناتواں جسم کی ساری توانائیاں سمیٹ کرتقریباً چیختے ہوئے کہتی ہے......'' پتہ نہیں وہ زندہ بھی ہے یا نہیں ......'' تومیراہاتھ کپکپانے لگتاہے اورمیں رسیورکریڈل پررکھ دیتاہوں۔ جس دِن عافیہ اِسلام آباد آنے کے لیے گھرسے نکلی ،تینوں بیٹے اُس کے ساتھ تھے۔ ایک کی عمر سات سال، ایک کی پانچ سال اورایک کی صرف چھ ماہ تھی۔ معلوم نہیں یہ بچے اَب کہاں اورکس کے پاس ہیں؟ کیا خبر وہ بھی گلابی گالوں شہابی آنکھوں اورسنہری بالوں والی افغان بچیوں کی طرح امریکی بازاروں میں نیلام ہو چکے ہوں؟ 2003 میں ہی عافیہ کی بہن فوزیہ کو وزیرداخلہ فیصل صالح حیات نے بتایاکہ آپ کی بہن ٹھیک ٹھاک ہے اوربہت جلدگھرپہنچ جائے گی۔ اَب کوئی کچھ بتانے والانہیں ......2005 میں بگرام جیل سے فرار ہونے والے چارقیدیوں نے ایک ٹیلی ویژن چینل کوبتایاتھا کہ ہم اَکثرکسی عورت کی اَندوہ ناک چیخیں سُنتے تھے جیسے اُسے سخت اَذیت دی جارہی ہولیکن ہم نے اُسے کبھی نہیں دیکھا۔ ''حقوقِ انسانی کے معروف تنظیم ''ایشین ہیومن رائٹس ایسو سی ایشین'' نے خدشہ ظاہرکیاہے کہ ''بگرام عقوبت خانے کی قیدی نمبر 650 ممکنہ طورپر ڈاکٹرعافیہ صدیقی ہے۔ رپورٹ میں کہاگیاہے کہ بے پناہ اَذیتوں کے باعث خاتون ذہنی توازن کھو چکی ہے اوربیشتروقت چیخ وپکارکرتی رہتی ہے''۔ ایمنسٹی انٹر نیشنل کاکہناہے کہ اُسے مسلسل جسمانی تشددکانشانہ بنایا جارہاہے۔ میں نے اَبھی اَبھی عافیہ کی ماں کو فون کرنے کی کوشش کی۔ کئی گھنٹیوں بعدکسی نے فون اُٹھایا لیکن کسی بات سے پہلے ہی بندہوگیا، میں نے دوبارہ کوشش کرنا چاہی توخود میرا فون خاموش ہوچکاتھا میں نے پرانی ڈائری سے عافیہ کی بہن ڈاکٹر فوزیہ کاموبائل نمبر نکالا اور