ماہنامہ انوار مدینہ لاہور ستمبر 2008 |
اكستان |
|
درس حدیث حضرت ِاقدس پیر و مرشدمولانا سید حامد میاںصاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈروڈلاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) صحابیت وہبی درجہ ہے ۔ آپ ۖ کی صحبت کی وجہ سے صحابہ کوریا ضتوں کی ضرورت نہ تھی بعد والوں کی نبی علیہ السلام سے رُوحانی نسبت ۔ عجم کے بڑے بڑ ے امام حضرت عیسیٰ علیہ السلام نبی ۖ کے اَحکامات پر عمل کریں گے حضرت عیسیٰ علیہ السلام جب کافروں کو نہ چھوڑیں گے تو اُن کے کھانے کو خنزیر بھی نہ چھوڑیں گے امر بالمعروف کے ساتھ نہی عن المنکر بھی ضروری ہے ( تخریج و تزئین : مولانا سیّد محمود میاں صاحب ) ( کیسٹ نمبر 56 سائیڈ B 21 - 03 - 1986 ) الحمد للّٰہ رب العالمین والصلٰوة والسلام علٰی خیر خلقہ سیدنا ومولانا محمد وآلہ واصحابہ اجمعین امابعد ! رسولِ کریم علیہ الصلٰوة والتسلیم نے ایک آیت تلاوت فرمائی وَاِنْ تَتَوَلَّوْا یَسْتَبْدِلْ قَوْمًا غَیْرَکُمْ اگر تم لوگ پیٹھ موڑلو گے تم لوگ اِدھر رُخ نہیں کروگے تو یَسْتَبْدِلْ قَوْمًا غَیْرَکُمْ تمہارے سواء اللہ تعالیٰ اَور قوم بدلے میں لے آئیں گے۔یہ کلمات بہت شدید ہیں کہ تم لوگ اگر نہیں مانوگے تو اللہ تعالیٰ دُوسرے لوگ لے آئیں گے، بظاہر سمجھ میں یہ آتا ہے کہ اگر معاذ اللہ رسولِ کریم علیہ الصلٰوة والتسلیم کے ساتھ جو لوگ تھے وہ بات نہ مانتے پشت موڑتے تو اُن کے بجائے اللہ تعالیٰ دُوسرے لوگ بھیج دیں گے اور وہ تم سے بہتر ہوں گے تمہاری طرح نہ ہوں گے یہ بات سمجھ میں آتی ہے ۔ توصحابہ کرام تو ایسے تھے کہ ہر قوم کو جانتے