ماہنامہ انوار مدینہ لاہور ستمبر 2008 |
اكستان |
|
جبکہ اِن دھماکوں کے اصل اَسباب اور اِن کے پس ِپردہ بھارتی اسرائیلی اور امریکی سازشوں کو بے نقاب کرکے ناکام بنانے کی جرأت اور سنجیدگی کے ساتھ کوئی کو شش نہیں کی جاتی ۔ '' واہ کینٹ '' سے پکڑے جانے والے ایک خود کش بمبار کے بیان سے جو کہ روز نامہ جنگ میں ٢٣ اگست کوشائع ہوا ہے یہ بات واضح ہو رہی ہے کہ اِن خود کش دھماکوں کے پیچھے ماسٹر مائنڈ ''امریکہ بھارت اسرائیل گٹھ جوڑ'' ہی ہے۔ لہٰذاجب تک ہمارے ملک کی مقتدرسیاسی قوتیں خالص ملکی مفاد کو ہر چیز پر مقدم کرتے ہوئے باہم متحد نہیں ہو جاتیں اُس وقت تک مذہب کی آڑ لے کراَندرونی اور بیرونی سازشوں کے نتیجہ میں کرائے جانے والے اِن خونی اور ظالمانہ دھماکوں کے آگے بند نہیں باندھا جا سکتا۔ اللہ تعالیٰ اِس ملک کے عوام کو صحیح فکر عطا فرمائیں تاکہ یہ اِسلام اور ملک سے سچی محبت رکھنے والی قیادت کو آگے لائیں اورملک میں امن واِنصاف قائم ہو سکے۔ جامعہ مدنیہ جدید کے فوری توجہ طلب ترجیحی اُمور (١) زیر تعمیرمسجد حامد کی تکمیل(٢) طلباء کے لیے مجوزہ دَارالاقامہ (ہوسٹل) اور درسگاہیں(٣) اَساتذہ اور عملہ کے لیے رہائش گاہیں(٤) کتب خانہ اور کتابیں (٥) زیر تعمیرپانی کی ٹنکی کی تکمیل ثواب جاریہ کے لیے سبقت لینے والوں کے لیے زیادہ اَجر ہے ۔