Deobandi Books

وقت اب بھی باقی ہے
تاکہ وہ خالق کائنات خوش ہو جائے، اللہ تعالیٰ اپنے بندوں کی دعاؤں پر بڑے خوش ہوتے ہیں۔
زندگی کی کتنی راتیں ہم نے غفلت میں اور نافرمانیوں میں گذاردیں، زندگی کے کتنے دن ہم نے اس کے احکامات توڑتے ہوئے گذار دئیے، اپنی جانوں پر ظلم کرنے میں ہم نے کوئی کسر نہیں چھوڑی، اپنے ہاتھوں اپنے پیروں پر کلہاڑیاں ماری ہیں، لیکن پھر بھی مایوس ہونے کی ضرورت نہیں، بڑے دربار میں آچکے ہیں، وہ بڑا کریم ہے، بڑا قدردان ہے۔
بندہ جب ایک بالشت لپکتا ہے تو وہ ایک ہاتھ بڑھتا ہے اور بندہ جب ایک ہاتھ بڑھتا ہے تو وہ ہاتھ بڑھتا ہے۔
اتانی یمشی اتیتہ ہرولۃ
بندہ جب چل کر اس کے پاس آتا ہے تو اس کی رحمتیں دوڑ کر بندہ کو اپنی آغوش میں لے لیتی ہیں۔
یہ رات غفلت وخرافات کی نہیں ہے
خدا راہم اس رات کو کھیل نہ بنائیں، یہ رات اللہ کی طرف متوجہ ہونے کی رات ہے اللہ سے گڑگڑا کر ندامت کے ساتھ اپنے گناہوں کی معافی کی رات ہے، یہ رات آتش بازی کی نہیں ہے، یہ رات حلوہ اور مٹھائی پکانے کی نہیں ہے۔