Deobandi Books

میرے دوستو! بزرگو!
آدمی دنیا کے جھمیلوں میں اور پلاننگ میں ہوتا ہے اسے پتہ بھی نہیں اس کا پتا کٹ چکا ہے۔
آدمی شادی بیاہ کی تیاریوں میں لگا ہوا ہے، دھوم دھام سے اس کے انتظامات کرتا ہے اور اس کا نام مردوں کی فہرست میں آچکا ہے۔
آدمی حج کی تیاری میں لگا ہوا ہے، حج کے لئے ساری کوششیں کررہا ہے، اور اس کا نام مردوں کی فہرست میں آچکا ہے۔
اسی لئے اس رات کو عبادت کے ساتھ، ذکر الٰہی اور طاعات کے ساتھ گذارنے کی ترغیب دی گئی۔
حضرت عائشہؓ حضورؐ سے پوچھا کہ اللہ کے نبیؐ!
آپؐ شعبان میں کثرت سے روزے رکھتے ہیں، اس کی کیا وجہ؟
حضورؐ نے فرمایا
اس رات میں سال بھر میں مرنے والوں کی فہرست فرشتوں کے حوالہ کیجاتی ہے اس لئے میں چاہتا ہوں کہ میری وفات کا نوشتہ جس وقت لکھا جائے تو میں روزے کی حالت میں رہوں۔
اس سے اشارۃً یہ بات نکلتی ہے کہ جس شخص کا نوشتہ وفات ایسے وقت میں لکھا جائے کہ وہ کسی اچھے اور نیک کام اور عبادت میں لگا ہو تو اللہ تعالیٰ کے فضل سے اس کے کرم سے قوی امید ہے کہ اس کی موت بھی اچھی حالت میں ہوگی، اس کو خاتمہ بالخیر کی دولت نصیب ہوگی انشاء اللہ (فضائل الایام والشہور)