عورت کا فتنہ اور اُس سے بچنے کے اسباب |
ِس کتاب |
 |
اِس حدیث سے معلوم ہوا کہ شوہر کے ساتھ بدزبانی کرنا اور اپنی زبان کے ذریعہ شوہر کو تکلیف پہنچانا جہنم میں جانے کا ذریعہ ہے جبکہ یہی زبان ااگر شوہر کے ساتھ صحیح اِستعمال کی جائے تو عورت کے جنّت میں جانے کا بھی ذریعہ بن جاتی ہے ۔فتنہ کا سدِّ باب: اِس فتنے کا اصل سدِّ باب تو عورت ہی کی جانب سے ہوسکتا ہے کہ وہ اپنی زبان کو صحیح استعمال کریں ، خلافِ شرع تمام باتوں سے کلی اجتناب کریں،چنانچہ :جھوٹ بولنے ،غیبت کرنے،الزام تراشی کرنے،لعن طعن کرنے،کوسنے،زبان چلانے،ناشکری کے جملے زبان پر لانے،کسی کی تحقیر و توہین کرنے،فضول گوئی اور بکثرت بولنے ، اور بدگوئی کی تمام شکلوں میں پڑنے سے بہر صورت بچیں جو یقیناً اللہ کی رحمت سے دور ہونے اور دنیا کو بھی جہنم بنانے کا ذریعہ ہیں۔ نیز مَردوں کیلئے کرنے کا کام یہ ہے کہ وہ عورت کی ہر بات بلاتحقیق اور بلا چون و چرا تسلیم کرنے سے گریز کریں ،کیونکہ بکثرت یہ دیکھنے میں آتا ہے کہ مَرد عورتوں کی باتوں میں آکر قطع رحمی ،قطع تعلّقی ،کینہ اوربغض و عداوَت جیسے مُہلک اور خطرناک گناہوں کے مرتکب ہوجاتے ہیں اور بعض اوقات تو انسان عورت کی بات میں آکر اپنے ماں باپ تک سے متنفر ہوجاتا ہے اور اُن کے ساتھ بدسلوکی پر اتر آتا ہےیا کم از کم اُن کی جانب سےغفلت اور بے توجہی برتنے لگ جاتا ہے،جو یقیناً اُس کیلئے بہت ہی بڑا نقصان و خسران کا باعث بنتا ہے ۔