طریق الی اللہ |
ہم نوٹ : |
 |
طریق الی اﷲ اَلْحَمْدُ لِلہِ وَکَفٰی وَسَلَامٌ عَلٰی عِبَادِہِ الَّذِیْنَ اصْطَفٰی اَمَّا بَعْدُ فَاَعُوْذُ بِاللہِ مِنَ الشَّیْطٰنِ الرَّجِیْمِ بِسْمِ اللہِ الرَّحْمٰنِ الرَّحِیْمِ وَ اذۡکُرِ اسۡمَ رَبِّکَ وَ تَبَتَّلۡ اِلَیۡہِ تَبۡتِیۡلًا ؕ رَبُّ الۡمَشۡرِقِ وَ الۡمَغۡرِبِ لَاۤ اِلٰہَ اِلَّا ہُوَ فَاتَّخِذۡہُ وَکِیۡلًا وَ اصۡبِرۡ عَلٰی مَا یَقُوۡلُوۡنَ وَ اہۡجُرۡہُمۡ ہَجۡرًا جَمِیۡلًا 1؎حضراتِ سامعین، طلبائےکرام ومہتمم صاحب دامت برکاتہم!حافظ صاحب کے خلوص و محبت اور بار بار تقاضے سے اس شدید گرمی میں باوجود بیماری کے اﷲ تعالیٰ نے مجھ کو یہاں آنے کی توفیق اور ہمت دی اور میں حق تعالیٰ کی اس رحمت کا شکر گزار ہوں کہ بارش ہوگئی جس سے گرمی میں اعتدال آگیا۔ میں نے جو آیات تلاوت کیں ان کی تفسیر سے پہلے طلبائے کرام کے لیے کچھ خصوصی نصیحتیں پیش کرتا ہوں۔ حکیم الامت مجدد الملت مولانا اشرف علی صاحب تھانوی نوّر اﷲ مرقدہٗ ارشاد فرماتے ہیں کہ اگر طلبائے کرام تین کام کرلیں، تو وہ بہت قابل عالم ہوں گے اور ان کی قابلیت اور استعداد کی میں ضمانت لیتا ہوں: نمبر۱۔ رات کو کتاب کامطالعہ کریں۔ قطب العالم مولانا گنگوہی رحمۃاﷲ علیہ فرمایا کرتے تھے کہ بلا مطالعہ پڑھنا اور پڑھانا دونوں حرام ہیں۔اس بات کو میں اپنے شیخ شاہ عبدالغنی صاحب رحمۃ اﷲ علیہ سے بارہا سن چکا ہوں۔ میرے شیخ ایک واسطے سے بخاری شریف میں قطب العالم مولانا گنگوہی رحمۃاﷲ علیہ کے _____________________________________________ 1؎المزمل: 8۔10