ہوتاہے، صحابہ سے لے کر انبیاء تک کسی کو نہیں چھوڑتے، سب پر اعتراض کرتے ہیں کہ اِن میں یہ خرابی ہے اُن میں وہ خرابی ہے۔ ہمارے بزرگوں کا راستہ ادب کا راستہ ہے، اس قسم کے لٹریچر پڑھنے لکھنے والوں کا راستہ نہیں ہے ؎
اے خدا جوئیم توفیقِ ادب
بے ادب محروم ماند از فضلِ رب
اے اﷲ! ہم آپ سے ادب کی توفیق مانگتے ہیں کیوں کہ بے ادب اﷲ کے فضل سے محروم ہوتا ہے۔
عشقِ مجازی کا علاج
اب عشقِ مجازی کا علاج بتاتا ہوں۔ بتاؤ وہ لڑکا جو چھ مہینے سے بے نمازی ہوگیا تھا، چہرہ پیلا ہوگیا تھا، ہڈیاں نکل آئی تھیں اگر میرے پاس نہ آتا تو مر نہ جاتا؟ پھر میں نے اس کو علاج بتایا۔ عشقِ مجازی کا مرض بڑی مشکل سے نکلتا ہے، جان لیوا ہے، قبرستان تک پہنچا دیتا ہے۔
لہٰذا سب لوگ سن لیں عشقِ مجازی کا علاج! حکیم الامت مجدد الملت مولانا اشرف علی صاحب تھانوی رحمۃ اﷲعلیہ نے ایک علاج بتا یا کہ اگر کسی حسین پر نظر پڑ جائے اور اس کی محبت دل سے نہ نکل رہی ہوتو عشقِ مجازی، غیراﷲ کی محبت کو دل سے نکالنے کا علاج سن لیجیے: نمبر ۱:صاف کپڑے پہن کر، عطر لگا کر پانچ تسبیح لَااِلٰہَ اِلَّا اللہُ کی پڑھیں۔ جب لَااِلٰہَ پڑھیں، تو دل میں خیال کریں کہ دل میں جتنے غیراﷲ کے بت گھسے ہیں سب کو میں نے دل سے نکال دیا اور جب اِلَّا اللہُ کہیں تو خیال کریں کہ دل میں اﷲکا نور آگیا اور میری لَااِلٰہَ عرشِ اعظم پر پہنچ کر اﷲسے مل گئی۔ مشکوٰۃ شریف کی حدیث ہے کہ جب بندہ زمین پر لَااِلٰہَ اِلَّا اللہُ پڑھتا ہے، تو یہ اِلٰہَ اِلَّا اللہُ ساتوں آسمان پار کرکے اﷲتعالیٰ سے ملاقات کرتی ہے۔ مشکوٰۃ شریف کی روایت ہے:
لَا اِلٰہَ اِلَّااللہُ لَیْسَ لَھَا حِجَابٌ دُوْنَ اللہِ5 ؎
_____________________________________________
5؎ جامع الترمذی:191/2، باب بعد بیان باب عقد التسبیح بالید،ایج ایم سعید۔ذکرہ بلفظ دون اللہ حجاب/ مشکوۃ المصابیح: 21/2 (2313)، باب ثواب التسبیح و التحمید، المکتبۃ الامدادیۃ ، ملتان
