آداب راہ وفا |
ہم نوٹ : |
 |
وہ آدمی عقل مند تھا اور سوچ رہا تھا کہ کیا بات ہے کہ یہاں ایسی سستی بادشاہت ہے؟ کچھ دال میں کالا ضرور ہے۔ اس نے چند لوگوں کو اپنا ہمراز بنایا۔ انہوں نے اس کو بتایا کہ چند سال کے بعد آپ کا منہ کالا کیا جائے گا اور آپ کو گدھے پر بٹھایا جائے گا اور جنگل باشی بنادیا جائے گا۔ اس بادشاہ نے سوچا کہ یہ تو بڑی خطرناک بادشاہت ہے۔ اس نے کیا کیا کہ اپنی سلطنت کے زمانے میں اس جنگل میں ایک نہایت شاندار مکان بنالیا، باغات لگالیے، بکریاں اور گائے پال لیں اور تالاب بھی بنالیا یعنی اپنے عیش کا تمام سامان مہیا کرلیا۔ پھر جب دو تین سال کے بعد ان پاگلوں کا دماغ خراب ہوا،پاگلوں کی بادشاہت ایسی ہی ہوتی ہے۔ اس پر ایک لطیفہ یاد آیا۔ ایک وزیراعظم نے پاگل خانے کا معاینہ کیا اور ایک پاگل سے کہا کہ مجھے جانتے ہو، میں کون ہوں؟ پاگل نے کہا کہ بتائیے۔ کہا کہ میں وزیراعظم ہوں۔ پاگل بولا کہ جب ہم پاگل خانے سے باہر تھے تو ہم بھی یہی کہا کرتے تھے،اب آپ یہاں آگئے ہیں،کچھ دن بعد ٹھیک ہوجائیں گے۔لہٰذا جب ان پاگلوں کا دماغ خراب ہوا تو اس بادشاہ کو بھی انہوں نے گدھے پر بٹھایا تو وہ بجائے رونے کے ہنس رہا تھا کیوں کہ اس نے اپنے جنگل کو آباد کرلیا تھا اور وہ سمجھ رہا تھا کہ وہاں جاکر عیش کروں گا۔ اس قصے میں یہ سبق دیا گیا ہے کہ آخرت میں جہاں ہمیشہ کے لیے جانا ہے اس آخرت کو بنالو، نماز سے، روزہ سے، اللہ تعالیٰ کی محبت سے،نظروں کو بچاکر تقویٰ کا غم اُٹھاکر پھر مولیٰ دل میں ہوگا اور آخرت آباد ہوجائے گی، ان شاء اللہ تعالیٰ۔ روح نکلنے سے پہلے ہی جنت دکھادی جائے گی۔ تَتَنَزَّلُ عَلَیۡہِمُ الۡمَلٰٓئِکَۃُ اَلَّا تَخَافُوۡا وَ لَا تَحۡزَنُوۡا وَ اَبۡشِرُوۡا بِالۡجَنَّۃِ الَّتِیۡ کُنۡتُمۡ تُوۡعَدُوۡنَ 27؎ اس لیے اولیائے اللہ خوش خوش جاتے ہیں۔ بتایئے! دنیا سے ڈیپارچر (روانگی) میں کسی کو شک ہے؟ لیکن حضرت تھانوی رحمۃ اللہ علیہ فرماتے ہیں کہ آج کل دل کمزور ہیں،موت اور قبر کے مراقبہ سے جس کا دل گھبراتا ہواس کو موت کا مراقبہ نہ کراؤ بلکہ یوں کہو کہ اس دنیا کی عارضی زندگی کا جنت کی دائمی زندگی سے مصافحہ ہونے والا ہے، درمیان سے موت کو نکال دیجیے جس کے خیال سے کسی کا دل گھبراتا ہو۔بس میری تقریر کا خلاصہ یہ ہے کہ لیلاؤں _____________________________________________ 27؎حٰمٓ السجدۃ :30