آداب راہ وفا |
ہم نوٹ : |
 |
اپنے علوِّ مراتب و علوِّ شان کے باوجود یہ اپنے ایمان والے بھائیوں کے سامنے بچھے جاتے ہیں،یہ ان کا کمال ہے اور اس میں محبت کی داستان ہے۔ اَعِزَّۃٍ عَلَی الۡکٰفِرِیۡنَ کایہ عَلٰی پہلے عَلٰی کی تائید کررہا ہے کہ بہ سبب بلندیٔ درجات کے صحابہ میں تواضع و خاکساری کی یہ کیفیت ہے۔ دوسری علامت: جہاد فی سبیل اللہ ۲) یُجَاہِدُوْنَ فِیْ سَبِیْلِ اللہِ 8؎ اللہ کے راستے میں یہ لومڑی کی طرح بزدل نہیں رہتے، مشقت و مجاہدہ اُٹھاتے ہیں، استقامت سے رہتے ہیں اور استقامت ہزاروں کرامت سے افضل ہے اَلْاِسْتِقَامَۃُخَیْرٌمِّنْ اَلْفِ کَرَامَۃٍ ملّا علی قاری رحمۃ اللہ علیہ فرماتے ہیں کہ دین پر استقامت سے رہنا ہزار کرامت سے افضل ہے۔9؎ حضرت جنیدبغدادی رحمۃ اللہ علیہ کا ایک خادم جو دس سال سے حضرت جنید بغدادی رحمۃ اللہ علیہ کےساتھ تھا، اس نے کہا کہ میں نے آپ کے اندر کوئی کرامت نہیں دیکھی۔ حضرت جنید بغدادی رحمۃ اللہ علیہ نے فرمایا کہ دس سال کے اندر تم نے مجھے اللہ کی کوئی نافرمانی کرتے ہوئے دیکھا؟ کہا کہ میں نے آپ کے اندر کبھی کوئی نافرمانی نہیں پائی۔ حضرت جنید بغدادی رحمۃ اللہ علیہ نے فرمایا کہ آہ! جس جنید نے دس سال تک اپنے مالک اور مولیٰ کو ایک سانس ناراض نہیں کیا، ظالم! تو اس سے بڑی اور کیا کرامت چاہتا ہے؟ اس سفر میں مجھے ایک علم عظیم نصیب ہوا کہ حضرت عمر رضی اللہ تعالیٰ عنہ نے فرمایا کہ استقامت والا وہ ہے جو اللہ تعالیٰ کے احکام پر قائم رہے اور اللہ تعالیٰ کی نافرمانی سے بچتا رہے، وَلَا یَرُوْغُ رَوْغَانَ الثَّعَالِبِ 10؎ اور لومڑیوں کی طرح راہِ فرار نہ اختیار کرے۔سموسہ اور بریانی اور پلاؤ پر دمادم ہاتھ مار رہا ہے اور جب کوئی شکل آگئی تو اسے اُلو کی طرح دیکھ رہا ہے۔ اس وقت اللہ کے رزق کا حق کیوں اس نے ادا نہیں کیا؟ اور میں بقسم کہتا ہوں کہ جب یہ لوگ کسی _____________________________________________ 8؎المائدۃ :54 9؎مرقاۃ المفاتیح:84/1،کتاب الایمان،المکتبۃ الامدادیۃ، ملتان 10؎روح المعانی:120/24،سورۃ فصلت (30)،داراحیا ٔالتراث، بیروت