آداب راہ وفا |
ہم نوٹ : |
 |
استدلالی موروثی،ایمانِ ذوقی حالی اور وجدانی سے بدل جائے گا۔آپ کا دل محسوس کرے گا کہ میرے دل میں اللہ تعالیٰ ہے۔ اللہ تعالیٰ فرماتے ہیں وَ جَعَلۡنَا لَہٗ نُوۡرًا یَّمۡشِیۡ بِہٖ فِی النَّاسِ 23 ؎ ہم اپنے عاشقوں کو ایک نور دیتے ہیں کہ سارے عالَم میں جہاں جاتے ہیں اس نور کو لیے پھرتے ہیں۔ لیلیٰ سے نجات پاکر سارے عالَم میں اپنے مولیٰ کو دل میں لیے پھرتے ہیں۔ جنت اُدھار ہے، مولیٰ اُدھار نہیں بعض لوگ کہتے ہیں کہ لیلیٰ تو نقد نظر آتی ہے لیکن اللہ تعالیٰ فرماتے ہیں کہ جنت تو اُدھار ہے،مولیٰ اُدھارنہیں ہے،تمہارا مولیٰ نقد ہے۔ بس لیلیٰ سےنظر بچالو تو میری لذتِ قرب کو اسی وقت دل میں نقد پالوگے،میری معیّتِ خاصہ کو تم اسی لمحہ دل میں محسوس کروگے۔ وَ ہُوَ مَعَکُمۡ اَیۡنَ مَا کُنۡتُمۡ ؕ 24؎ میں تو ہر وقت تمہارے ساتھ ہوں لیکن تم خود غیروں کے عشق میں مبتلا ہوکر مجھ سے دور ہوجاتے ہو۔ لیلاؤں کو دل سے نکالو پھر مجھے نہ پاؤ تو کہنا۔ ارے سارے عالَم کی لیلاؤں کو،بادشاہوں کے تخت و تاج کو اور تمام لذات کو بھول جاؤگے،اپنے قلب میں مولیٰ کو پاجاؤگے۔ جنت اُدھار ہے، تمہارا مولیٰ اُدھار نہیں ہے، اسی لیے وَ لِمَنۡ خَافَ مَقَامَ رَبِّہٖ جَنَّتٰنِ 25؎کی ملّا علی قاری رحمۃ اللہ علیہ نے تفسیر کی کہ جو گناہ سے بچتا ہے، اللہ تعالیٰ سے ڈرتا ہےاس کو دو جنتیں ملیں گی: جَنَّۃٌمُعَجَّلَۃٌ فِی الدُّنْیَا بِالْحُضُوْرِ مَعَ الْمَوْلیٰ دنیا میں اللہ تعالیٰ کی حضوری اس کے قلب کونصیب ہوگی، ہر وقت اپنے مولیٰ کے ساتھ رہے گا، ایک لمحہ بھی غافل نہیں ہوگا ؎ پھرتا ہوں دل میں یار کو مہماں کیے ہوئے رُوئے زمیں کو کوچۂ جاناں کیے ہوئے سارا عالَم اس کے لیے کوچۂ محبوب ہوگا۔ یہ ہے مولیٰ کی نقد حضوری۔ _____________________________________________ 23؎الانعام :122 24؎الحدید: 4 25؎الرحمٰن: 46