Deobandi Books

اِتباعِ سنت 
(  حضرت مولانا مفتی محمد سلمان صاحب منصورپوری،اِنڈیا  )
ایک مسلمان کے لیے سب سے بڑی سعادت کی بات یہ ہے کہ اُس کی زندگی کے تمام شعبے سرور عالم حضرت محمد مصطفی  ۖ کی پرنور سنتوں کی روشنی سے منور ہوجائیں، پیغمبر علیہ السلام  کا اُسوۂ مبارکہ ہی نہ صرف مسلمان بلکہ تمام اِنسانیت کی کامیابی کی ضمانت ہے، اللہ تعالیٰ نے اِرشاد فرمایا  :
( لَقَدْ کَانَ لَکُمْ فِیْ رَسُوْلِ اللّٰہِ اُسْوَة حَسَنَة لِّمَنْ کَانَ یَرْجُوا اللّٰہَ وَالْیَوْمَ الْاٰخِرَ وَذَکَرَ اللّٰہَ کَثِیْرًا) (سُورة الاحزاب :   ٢١)
''تم لوگوں کے لیے یعنی ایسے شخص کے لیے جو اللہ سے اور آخرت کے دن سے ڈرتا ہو اور کثرت سے اللہ تعالیٰ کا ذکر کرتا ہو، اللہ کے رسول میں ایک عمدہ نمونہ موجود تھا۔''
کوئی شخص اگر اللہ تبارک وتعالیٰ سے محبت کا دعویٰ کرے تو اُس وقت تک اُس کا دعویٰ معتبر  نہیں ہوسکتا جب تک کہ وہ پیغمبر علیہ الصلوٰة والسلام کی اِتباع والی زندگی نہ گزارے جیساکہ اِرشاد خداوندی