Deobandi Books

خلیفہ  : 
ایک طرف مالک الملک کانائب ہوگا کہ اُس کے دستورو قانون کو نا فذ کرے گا دُوسری جانب وہ خدا پر ستوں کانمائندہ ہوگا یعنی وہ اَکائی ہو گا جس پر پوری ملت میں پھیلی ہوئی نظام ِ ملت کی شاخیں جُڑ جائیں گی اوراِس طرح کثرت میں وحدت پیدا ہو جائے گی، توحید کاتقاضا بھی یہی ہے کہ پھیلاہوا نظام ایک ہوتا رہے جوپہلے خلیفة اللہ پر پھرمالک ِ حقیقی پر جا کراَکائی بن جائے۔(اِنَّ صَلَا تِیْ وَ نُسُکِیْ وَمَحْیَایَ وَمَمَاتِیْ لِلّٰہِ رَبِّ الْعٰلَمِیْنَ)
حضرت موسٰی علیہ السلام اور فرعون  : 
مضمون کے آغاز میں ایک نبی کاحوالہ دیا گیا تھا یہ نبی حضرت موسٰی علیہ السلام تھے اور با دشاہ  کا نام منفتاح تھا (قصص القرآن) مگر اُس زمانہ میں'' شاہِ مصر'' کو بطورِ خطاب ''فرعون'' کہاجاتا تھا۔ قرآنِ حکیم نے نام کے بجائے ''خطاب'' کو اِستعمال کیا ہے، یہ حسن اَدب کی تعلیم ہے کہ بد ترین مخالف کے لیے بھی وہ لفظ اِستعمال کیا جو اُس کے اور اُس کی قوم کے محاورات میں سب سے زیادہ با عزت نام تھا۔ اَب مُلک اور بادشاہ سے زیادہ فرعون اور فرعونیت سے نفرت اِنسانی ذہن کا پیوند بن کی ہے، اِنسانیت کی فلاح و بہبود کے لیے اگر یہ نفرت ضروری ہے تویہ قرآنِ حکیم کا طفیل ہے۔ (جاری ہے)