علمی مضامین سلسلہ نمبر١٠ ( قسط :٢)
''خانقاہِ حامدیہ''نزد جامعہ مدنیہ جدید رائیونڈ روڈ لاہورکی جانب سے محدث ، فقیہ، مؤرخ، مجاہد فی سبیل اللہ،مؤلف کتب کثیرہ شیخ الحدیث حضرت اَقدس مولانا سیّد محمد میاں صاحب رحمة اللہ علیہ کے بعض اہم مضامین جو تاحال طبع نہیں ہوسکے اُنہیں سلسلہ وار شائع کرنے کا اہتمام کیا گیا ہے جبکہ اُن کی نوع بنوع خصوصیات اِس بات کی متقاضی ہیں کہ اِفادۂ عام کی خاطر اُن کو شائع کردیا جائے۔ اِسی سلسلہ میں بعض وہ مضامین بھی شائع کیے جائیں گے جو بعض جرا ئد و اَخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ)
دورِ حاضر کے سیاسی اور اِقتصادی مسائل
اور
اِسلامی تعلیمات و اِشارات
( حضرت اَقدس مولاناسیّد محمد میاں صاحب )
اِنفرادی مِلک کی ضروت :
گائے بیل وغیرہ جتنے بھی جا نور ہیں اُن کے سامنے صرف پیٹ بھرنے یعنی بقاء ِ حیات کا مسئلہ ہے قدرت اُن کی رہنمائی کرتی ہے اور یہ جانور قدرتی ذخیروں سے پیٹ بھر لیتے ہیں، یہاں ملکیت کا سوال پیدا نہیں ہوتا اگر اِنسان کے سامنے بھی صرف بقاء ِ حیات کا مسئلہ ہو تا تو قطعاً ضرورت نہیں تھی کہ اِنسان کے حق میں مِلک، مِلک کی حیثیت اور اُس کی ضرورت پر بحث کی جاتی لیکن اِنسان کے سامنے پیٹ سے پہلے خو د اِنسانیت کا مسئلہ ہے ! اِنسان ہے تو لا محالہ اُس میں اِنسانیت ہونی چاہیے، اِنسانیت کیا ہ
