طے کرتی ر ہی ہے اور نہ اَلعیاذ باللہ کسی پر تنقید یا کسی کی تنقیص ہے کہ دین کا کوئی کام کرنے والا ہی نہیں ہے ، اَلحمد للہ کام ہو رہا ہے اور جو کچھ ہو رہا ہے وہ بھی بہت غنیمت ہے اوریہ عاجز تہ دل سے دین و ملت کے تمام خدمت گزا روں کا قدر دان اور شکر گزار ہے بلکہ صرف یہ مقصد ہے کہ اِن حالات میں ہم اپنے اَندر حضرت صدیق ِاکبر رضی اللہ عنہ کے جذبۂ ( اَیُنْقَصُ الدِّیْنُ وَاَنَا حَیّ ) کی کوئی چنگاری سُلگانے کی بھرپور کوشش کریں اورما ضی قریب کے اپنے محسن اور خصوصًا بر صغیر ہند میں اِسلام اور اِسلامی تعلیمات کی حفاظت کرنے والے بانی ٔ دارُ العلوم دیوبند حجة الا سلام حضرت مولانامحمدقا سم نا نو توی کی زندگی کو اپنا آئیڈیل بنا کردین و ملت کے لیے اپنی زندگیوں کو وقف کردینے کا فیصلہ کریں اور حق و اِنصاف کی لڑائی لڑنے اور اپنے حریف یعنی با طل کو شکست دینے کے لیے پوری ہمت و حکمت سے کام لیں کیونکہ جب تک ہمارے اَندر دینی حمیت اور اِسلامی غیرت بیدار نہیں ہوگی اور ہم ظلم و باطل کو اپنا مدمقابل بنا کر اُس سے لڑنے کے لیے کمر بستہ نہیں ہوں گے اُس وقت تک ہماری صفوں میں اِتحاد و اِتفاق پیدا نہیں ہوگا جو ہماری کامیابی کی اصل کنجی ہے ۔شاید (واللہ اعلم با لصواب) اِسی لیے اللہ تبارک و تعالیٰ نے صحابۂ کرام کے اَو صاف بیان کرتے ہوئے (رُحَمَآئُ بَیْنَھُمْ ) سے پہلے (اَشِدَّآئُ عَلَی الْکُفَّارِ) کا تذکرہ کیا ہے کیونکہ یہ بات اِنسانی فطرت میں داخل ہے کہ وہ کسی کو شکست دینا چاہتا ہے اور جب اُس کا حریف باطل بن جاتا ہے توپھر وہ اَپنوں کے ساتھ شیرو شکر ہو جاتا ہے۔
اللہ تعالیٰ ہمیں ہوش کے ناخن لینے کی توفیق دے اور اپنے دین کا درد و غم عطا فرما کراُس کی خدمت کے لیے قبول فرمالے، آمین ۔
