ہزاروں غرباء نے باو جود اَفلاس اپنا پیٹ کاٹ کرتھوڑا تھوڑا کر کے ہزاروں روپے جمع کردیے اور بھی کچھ نہیں ہو سکتا تو زکوة ہی عنایت کرو، ایسے مصارف میں زکوة بھی جائز ہے ،اَلغرض بہانوں کو جانے دو، وقت ِہمت ہے ٹلانے کاوقت نہیں ۔ '' ١
یقینا حضرت نا نو توی کے مذکورہ کارناموں اور تحریروں سے اُن کے اِسلام پرمر مٹنے کے جذبے اور با طل کے مقابلے کے لیے فولادی عزم و حوصلے کا بخوبی اَندازہ ہوجاتا ہے اور اُس دعوے کی بھی تصدیق ہوجا تی ہے کہ اُن کو دونوں رشتوں (نسبی و رُوحانی) سے حضرت صدیق ِ اکبر کی حمیت ِ دینی اورغیرت ِ اِسلامی کا وافر حصہ ملاہوا تھا۔
آج جبکہ پوری دُنیا میں صہیونی اور باطل طاقتیں اِسلام اور مسلمانوں کو مٹانے کے لیے اَنتھک کو ششیں کر رہی ہیں، پوراعالمِ اِسلام اُن کے نر غے میں ہے اور خود ہمارے ملک ہندوستان میں بر ہمنی شاطر دماغ صہیونی لابی کے ساتھ ساز باز کر کے مسلمانوں کے لیے سیاسی، سماجی، اِقتصادی اور فکری ہر اِعتبار سے دائرہ تنگ سے تنگ کر تا جا رہا ہے اور بظاہر وہ روز بروز اپنے مشن اور مقصد میں کامیاب ہوتا نظر آرہا ہے، وہ جب چاہتا ہے فسادات کر وا کر سینکڑوں کی تعداد میں ہمیں موت کی نیند سُلا دیتا ہے، ہمارے نو جوا نوں کو کسی بھی بے بنیاد اِلزام میں گرفتار کر کے جیلوں میں ٹھونس دیتا ہے، دھماکے وہ خود کرتا یا کر واتا ہے اور ہمیں مار کرپھر ہم ہی کو مجرم بنا دیتا ہے اور اَب تو ہمارے بڑے سے بڑے آدمی پربھی ہاتھ ڈالنے سے وہ دریغ نہیں کرتا اور ہم ایک عاجز و بے بس کی طرح سوائے چیخنے اور چلانے کے کچھ نہیں کرپاتے یا زیادہ سے زیادہ گیدڑ بھپتیاںکستے ہیں جس کا اُن پر کوئی اَثر نہیں پڑتا یا پھر بھیک کا پیالہ لے کراُن ہی سے حق و اِنصاف کی بھیک مانگتے ہیں اور وہ سیاسی مصلحتوں کی خاطر کبھی ہمارے پیالہ میں کچھ بھیک ڈال دیتا ہے تو ہم اِسی کواپنی کامیابی سمجھنے لگتے ہیں اور خوشی کے شا دیانے بجا کر ہر ایک سے دادِ تحسین وصول کرنا چاہتے ہیں، سیاسی طورپر ہماری کوئی حیثیت رہ گئی ہے نہ سماجی طورپر، صرف ہم ایک
١ قاسم العلوم حضرت مولانا قاسم نانو توی اَحوال وآثار و باقیات ص ١١٥ (کمپوز) ص ١٣٧،١٣٨ (عکس تحریر)
