پائے اُس کا کوئی رفیق راہ پر لانے والا۔ اور تو سمجھے وہ جاگتے ہیں اور وہ سو رہے ہیں اور کر وٹیں دلاتے ہیں ہم اُن کو داہنے اور بائیں، اور کتا اُن کا پسا ر رہا ہے اپنی بانہیں چو کھٹ پر، اگر تو جھانک دیکھے اُن کو تو پیٹھ دے کر بھاگے اُن سے اور بھر جائے تجھ میں اُن کی دہشت۔''
وہ اِسی طرح سوتے رہے یہاں تک کہ اللہ تعالیٰ نے اُنہیں نیند سے بیدار کر دیا، بیدارہونے پر وہ ایک دُوسرے سے اپنے سونے کا وقت در یافت کرنے لگے کہ ہم کتنی دیر تک سوئے رہے ہیں۔
اِرشادِ باری تعالیٰ ہے :
(وَکَذٰلِکَ بَعَثْنٰھُمْ لِیَتَسَآئَ لُوْا بَیْنَھُمْ ط قَالَ قَآئِل مِّنْھُمْ کَمْ لَبِثْتُمْ ط قَالُوْا لَبِثْنَا یَوْمًا اَوْ بَعْضَ یَوْمٍ ط قَالُوْا رَبُّکُمْ اَعْلَمُ بِمَا لَبِثْتُمْ ط) (سُورة الکھف : ١٩)
''اور اِسی طرح اُن کو جگا دیا ہم نے کہ آپس میں پوچھنے لگے، ایک بولااُن میں کتنی دیر ٹھہرے تم ؟ بولے : ہم ٹھہرے ایک دِن یاایک دِن سے کم۔ بولے : تمہارا رب ہی جانے جتنی دیر تم رہے ہو۔''
با لا خراُن کویقین ہوگیا کہ وہ ایک دن یادن کا کچھ حصہ سوئے ہیں، اُنہیں بھوک محسوس ہوئی تو اُنہوں نے اپنے ایک ساتھی کو کچھ رقم دے کر کھانا خر یدنے کے لیے بھیجا اوراُسے کہا کہ اِحتیاط سے جائے بستی کے کفار اُس کونہ پہچانیں، اگراُنہوں نے تمہیں پہچان لیا توہمیں مجبور کریں گے کہ ہم اِسلام ترک کر کے کا فر
