ماہنامہ انوار مدینہ لاہور فروری 2010 |
اكستان |
 |
تک ناردرن لائٹ انفنٹری کے جوانوں کی لاشیں اُن کے گھر والوں نے وصول کرنا شروع نہیں کیں۔ مشرف حکومت آخر وقت تک کہتی رہی کہ نائن الیون کے بعد امریکہ کو صرف راہداری کی سہولتیں دیں، پسنی اَور جیکب آباد ائیر بیس اَور شمشی کی فضائی پٹی کو امریکیوں کے حوالہ نہیں کیا، آج نو برس بعد مشرف دور کے ریٹائرڈ جرنیل ٹی وی چینلوں پر اَور وزیرِ دفاع احمد مختار گزشتہ ہفتے کہہ چکے ہیں کہ چھ ماہ پہلے تک یہ اَڈے امریکہ کے زیر ِاستعمال تھے۔ امریکی سینٹ کمیٹی سال پہلے کہہ چکی ہے کہ ڈرون طیارے پاکستان سے اُڑتے ہیں لیکن حکومت آج بھی حملوں کے خلاف احتجاج کر رہی ہے۔ امریکی وزیرِ دفاع رابرٹ گیٹس کہہ چکے ہیں کہ بلیک واٹر عرف ایگس ای اَور دیگر امریکی نجی کمپنیاں پاکستان میں کام کر رہی ہیں لیکن اِسلام آباد کا امریکی سفارتخانہ اپنے ہی وزیرِ دفاع کو جھٹلا رہا ہے جبکہ وزیرِ دفاع رحمان ملک آج بھی قائم ہیں کہ اگر یہاں بلیک واٹر کا وجود ثابت ہوجائے تو وہ استعفٰی دے دیں گے۔بی بی سی نے کئی عشروں کے دوران ہر حکومت کے دَور میں تواتر سے بولے جانے والے سر کاری جھوٹ کی تصویر کشی کرتے ہوئے استفسار کیا ہے کہ کیا پاکستان میں کاروبار ِ حکومت اِس کے بغیر نہیں چل سکتا؟ قارئین ِ کرام ایک غیر ملکی نشریاتی اِدارے کے اِس تجزیہ کو ہٹ دھرمی سے کام لیتے ہوئے اگر کوئی یکسر مسترد بھی کر دے تب بھی سچ تو یہ ہے کہ نہ اِس کا اِنکار کرتے بنتی ہے اَور نہ اقرار کرتے بنتی ہے اگرچہ اِس پورے تجزیہ سے اتفاق کیا جانا ضروری نہیں ہے مگر حقائق سے مسلسل آنکھیں چُرانے ہی کا نتیجہ ہے کہ ایک بار پھر سے علیحد گی پسند قوتیں ملک میں سر گرم ِ عمل نظر آرہی ہیں۔ قوم کو چاہیے کہ ہوش کے ناخن لے خواب ِ غفلت سے بیدار ہو کر اپنے حال کا پھر سے جائزہ لے اَور فیصلہ کرے کہ کرنا کیا ہے۔