ہو اس میں دیکھیں کہ صبح صادق کتنی دیر پہلے ہوتی ہے ، اسی وقت کو اصل مان کر اس کا حصہ بنا لیں ، اور اتنا ہی حصہ غیر معتدل رات میں صبح صادق مان لی جائے ۔
مثلا: مانچیسٹر میں معتدل رات کا 6.10 حصہ بنتا ہے، جو ایک گھنٹہ 9 منٹ ہوتا ہے، اور 21 جون کو طلوع آفتاب4 بجکر40 منٹ پر ہے اس لئے اس میں سے ایک گھنٹہ 9 منٹ کم دیں تو 3 بجکر31 منٹ پر سحری بند کرنی ہوگی ، اس صورت میں بہت اجالا ہوجاتا ہے ، اسلئے میں حصے کے بجائے معتدل رات کی صبح صادق ،ایک گھنٹہ 58 منٹ کا فاصلہ سیٹ کر رہا ہوں جو بہت اجالا بھی نہیں ہے ، اور بہت جلدی بھی نہیں ہے ۔
{معتدل رات کی صبح صادق کیا ہے }
۔17 مارچ کو پوری دنیا میں دن اور رات برابر ہوتے ہیں ، یعنی بارہ گھنٹے کی رات ہوتی ہے اور بارہ گھنٹے کا دن ہوتا ہے ، اس کو معتدل یوم کہتے ہیں ، اس رات کو صبح صادق کتنا گھنٹہ اور کتنا منٹ ہے ، اس فاصلے کو معتدل رات کی صبح صادق کہی جاتی ہے ، غیر معتدل رات ( یعنی بہت چھوٹی رات میں ) اسی فاصلے کو سیٹ کر دیا جائے، اور اسی پر سحری بند کی جائے ۔
مثلامانچیسٹر میں 17 مارچ کو سورج 6 بجکر 18 منٹ پر طلوع ہوتا ہے ، اور صبح صادق 4 بجکر 20 منٹ پر ہوتا ہے ، اس لئے سور ج طلوع اور صبح صادق کے درمیان کا فاصلہ ایک گھنٹہ 58 منٹ ہوگا ۔ اپریل میں جب حرج شروع ہوجائے تو اسی ایک گھنٹہ 58 منٹ کو اصل مان لیا جائے اور طلوع آفتاب سے ایک گھنٹہ اور 58 منٹ پہلے سحری بند کی جائے ، اور یہ سلسلہ اگست تک جاری رکھے جو حرج کا زمانہ ہے ، پھر ستمبر سے اپریل تک آٹھ مہینوں میں 18 ڈگری پر صبح صادق کرے ،