بھیک مانگنا یہ انتہائی تذلل ہے۔
الغرض!نماز میں بندے کے سامنے اپنی ذلت اور اللہ کی عظمت ہوتی ہے یہی صورت حج میں بھی ہے حج میں بھی ہر عمل میں بندہ اپنی ذلت کااظہارکرتاہے اپنے آپ کو خالق کے دربار میں دیوانوں کی طرح پیش کرتاہے بس یہ دونوں اصل عبادتیں ہیں رہ گئی زکوٰۃ توزکوٰۃ حقیقی معنی میں عبادت نہیں بلکہ تعمیل حکم کی وجہ سے عبادت بن گئی کیونکہ زکوٰۃ میںاعطاء ہے یعنی فقراء ومساکین کو دینا تو عطا یہ اللہ کی صفت ہے اس میں ذلت نہیں ہے بلکہ ایک گونہ تشبہ بالخالق ہے۔
اور روزہ کے اندر استغناء ہے کھانے پینے سے اور بیوی سے۔ اور یہ شان ہے اللہ تعالیٰ کی کہ وہ بیوی سے بری اور پاک،کھانے پینے سے بری اور پاک ہے تو یہ تشبہ بالخالق ہوگیا اس میں ذلت کی کیابات ہے یہ تو عین عزت ہے۔لہٰذا حقیقی معنی کے اعتبار سے روزہ بھی عبادت نہیں البتہ زکوٰۃ اور روزہ تعمیل حکم کی وجہ سے عبادت بن گئے اصل عبادت دوٹھہریں نماز اورحج۔ (افادات حکیم الاسلام)
نماز عقلی عبادت ہے اور حج عشقی عبادت ہے
پھر نماز اور حج میں یہ فرق ہے کہ نماز عقلی عبادت ہے۔
نماز میں تو حکم ہے کہ ادب کا پاس ولحاظ رکھو، معرفت وشعور کے ساتھ آئو، غفلت والا پرواہی نہ ہو، بے ادبی اور گستاخی نہ ہو، ہاتھ بھی صحیح طریقہ پر باندھو، نگاہیں بھی ادھر ادھر نہ دوڑائو، وقاروسنجیدگی کے ساتھ نمازمیں آئو ------اور حج میں
