Deobandi Books

 عشق ہو، عقل ومعرفت بالکل نہ ہو تو وہ جاہلانہ عشق ہے، نراعشق کافی نہیں۔
اگر صرف عقل ہی عقل ہو، عشق ومحبت کا نام نہ ہوتو یہ فلسفہ ہوگا، انسان ترقی کے مدارج اس سے طے نہیں کرسکتا، دین میں کمال اور انسانیت کی تکمیل کے لئے دونوں کی ضرورت ہے، جہاں عقل ومعرفت کی ضرورت ہو وہاں عقل ومعرفت سے کام لے اور جہاں عشق ومحبت کی ضرورت ہو وہاں عقل کو پیچھے ڈالدے۔
محض عقل ومعرفت گمراہی کا ذریعہ
شیطان جوراندۂ درگاہ ہوا وہ صرف اسی لئے ہوا کہ اس میں عشق ومحبت کا مادہ نہیں تھا، محض عقل پرستی سے کام لیا؟ورنہ کمال میں وہ کم نہیں تھا اس کے پاس علم بھی تھا، بہت بڑا عالم تھا، معرفت بھی تھی بہت بڑا عارف تھا،عبادت بھی تھی بہت بڑا عابد تھا ------مگرکمی چوتھے عین کی تھی عاشق نہ تھا۔
حج کا پہلا انعام
گویا حج اپنا پہلاپیغام امت کے سامنے یہ پیش کرتاہے کہ
اے مسلمان! تیری زندگی حقیقی کامیابی اسی وقت آسکتی ہے جب تو اللہ کے حکموں پر اور حضورؐ کے طریقوں پر اپنے آپؐ کو مکمل تابع کردے، زندگی کے ہر شعبہ میں اوامرالٰہیہ کوپوراکرنے کا پابند ہوجا،عقلی گھوڑے مت دوڑا، شریعت کے ہر حکم کا تری سمجھ میں آناکوئی ضروری نہیں ہے۔
نہ ہر جائے مرکب تواں تاختن	کہ جانا سیر باید انداختن