علامات مقبولین |
ہم نوٹ : |
 |
اللہ تعالیٰ کی راہ میں خرچ کرنے والے ان آیات میں اللہ تعالیٰ اپنے عاشقوں کے حالات ترتیب وار بیان فرمارہے ہیں کہ میرے مقبول بندے وہ ہیں اَلَّذِیۡنَ یُنۡفِقُوۡنَ فِی السَّرَّآءِ وَ الضَّرَّآءِ جو خوشحالی میں بھی اللہ کے راستے میں خرچ کرتے ہیں اور اگرتنگی آجائے تب بھی خرچ کرتے ہیں۔ یہ کمالِ عشق ہے۔ لہٰذا کنجوس سے کنجوس بھی جب اللہ کا عاشق بن جاتا ہے، تو اس کی کنجوسی ختم ہوجاتی ہے اور وہ تنگی میں بھی اللہ تعالیٰ کو نہیں بھولتا، جتنا ہوسکتا ہے اللہ تعالیٰ کے راستے میں فدا کرتا رہتا ہے، انفاق فی سبیل اللہ کو بند نہیں کرتا۔ بے جا غصہ کو پی جانے والے مقبولیت کی دوسری علامت ہے وَ الۡکٰظِمِیۡنَ الۡغَیۡظَ کہ غصہ کو ضبط کرتے ہیں۔ یہاں غصہ کو ضبط کرنا فرمایا ہے ، معدوم کرنا نہیں فرمایا یعنی غصہ موجود رہتا ہے، مگر یہ اس کو ضبط کرتے ہیں۔ کٰظِمِیۡنَ رہتے ہیں، غصہ کو پی جاتے ہیں، اگرغصہ موجود ہی نہ ہو تو اسے پئیں گے کیسے؟معلوم ہوا غصہ آنا بُرا نہیں، بے جا غصہ کرنا بُرا ہے۔ اللہ تعالیٰ نے وَالْعَادِمِیْنَ الْغَیْظَ نازل نہیں فرمایا کہ میرے خاص بندے غصے کو معدوم کردیتے ہیں، اس کا وجود ہی مفقود کردیتے ہیں۔نہیں! غصہ موجود رہتا ہے،مگر اس کو پی جاتے ہیں میری محبت میں۔ کَظْمْ کےمعنیٰ ہیں شَدُّ رَأْسِ الْقِرْبَۃِ عِنْدَ امْتِلَائِھَا 5؎ قِرْبَۃْ کے معنیٰ مشک ہیں،یعنی مشک جب بھر جائے اور اس کی گردن سے پانی نکلنے لگے، تو پانی کے نقصان سے بچنے کے لیے مشک کی گردن باندھنے کو کَظْمْ کہتے ہیں۔ کیا مطلب؟ کہ غصہ چڑھ گیا اور دل چاہنے لگا کہ منہ سے اول فول بکیں تب بھی ضبط کرتے ہیں، یعنی جب غصہ بہت زیادہ چڑھ جاتا ہے تب بھی اللہ تعالیٰ کے مقبول بندے اسے پی جاتے ہیں، غصہ کو ضبط کرتے ہیں، وہاں سے ہٹ جاتے ہیں، کھڑے ہوتے ہیں تو بیٹھ جاتے ہیں، بیٹھے ہوتے ہیں تو لیٹ جاتے ہیں۔ حدیث معالجۂ غضب کی انوکھی شرح یہ ترتیب حضور صلی اللہ علیہ وسلم نے بیان فرمائی ہے کہ غصہ میں انتقام کا جوش _____________________________________________ 5؎روح المعانی: 58/4، اٰل عمران (134)، داراحیاء التراث، بیروت