معافی مانگ لی اور دل کا رخ پھر اللہ تعالیٰ کی طرف صحیح ہوگیا… لیکن بد نظری کا گناہ ایسا ہے کہ بندہ اللہ تعالیٰ سے بالکل غافل ہو جاتا ہے اور وہ حسین دل میں بس جاتا ہے…بعض لوگوں کا خاتمہ بھی خراب ہو گیا…اس پر ایک واقعہ بتاتا ہوں جس میںہم لوگوں کے لئے بہت بڑی عبرت ہے۔
حضرت مولانا لاہوری رحمہ اللہ تعالیٰ کے آخری خلیفہ مجاز حضرت مولانا محمد حسن صاحب زید مجد جو کہ سند ھ میں رہتے ہیں…نے بتایا…ایک صاحب… اساتینِ امت اور بزرگانِ دین کی تعلیم و تربیت میں سال ہا سال رہا… پھر دین کی اشاعت میں سال ہا سال مصروف رہا…حضرت نے فرمایا … میں نے بھی ان سے استفادہ کیا تھا… لیکن جب اس کا ماحول بدلہ …سیرت بدلی …صورت بدلی …کردار بدلا … شرم و حیا ختم …حضرت نے فرمایا … ایک دن کیا دیکھ رہا ہوں… یہی صاحب تشریف لا تے ہیں … نظر پڑی تو کیا دیکھا؟… خدو خال اس صاحب کے تھے …پر چہرے سے ڈاڑھی غائب …سر پر کیپ … شرافت کی ٹوپی غائب … شلوار اسلامی وضع سے ہٹی ہوئی…ٹخنو سے نیچے زمین پر گھسٹ رہی … قریب آئے تو یقین ہوا… یہ تو وہی ہی صاحب ہیں …احترام سے بٹھایا …پوچھا … کیسے تشریف آوری ہوئی ؟ …کہنے لگے …تعویذ چاہیے …لڑکی پھنسانے کے لئے…کیا ہوا؟…بتایا … ایک اسکول میں ٹیچر اور استاذ لگ گیا ہوں …وہاں مخلوط تعلیم ہے …لڑکے لڑکیاں مل کر پڑھتے ہیں …ایک لڑکی پر دل آیاہے… اب اسے پھنسانا ہے مجھے…
دوستو!…بد نظری ،عشقِ مجاز ،غیر اللہ پر دل کو فدا کر نا …کتنے بڑے اور خطرناک گناہ ہیں… ایسوں کو… اللہ تعالیٰ نہ عزت دیتے ہیں … نہ ہی عزت کی علامات…غور تو کیجئے… ڈاڑھی عزت اور شرافت کی بڑی علامت ہے …چھینی گئی… اسلامی وضع دین داری کی علامت ہے… چھینا گیا…اسلامی لباس جو اکرام و اعزاز ہے …ہٹایا گیا …جن کے نظروں میں معزز تھا… رسوا کرایا گیا…
حضرت مولانا حسن صاحب زید مجدہم نے فرمایا…اس صاحب کے گھر والوں نے بتایا … موت کا وقت ہے …نزع کی سی حالت ہے …روح نکلنے کو ہے …دنیائے فانی سے کوچ کا وقت ہے… گھر کی خواتین سورة یاسین کی تلاوت میں مصروف…اور ادھر اس کی حالت کیا؟…وقفہ… وقفہ … سے آنکھیں کھولتا اور کہتا…''اے میری محبوبہ تو کہاں ہوگی''
فائدہ: دوستو! …بد نظری کا انجام کیا نکلا ؟…خود فیصلہ کیجئے …اس واقعہ کو بار بار پڑھئے اور عبرت کا
