حیض حیض چل رہا ہے؟ تو انگریزی کا Has اور ہوتا ہے اور اردو کا حیض اور۔
خیر! اس جعلی پیر نے سوچا کہ اگر جمال گوٹے کی گولی کھالیتا ہوں تو لینڈ قبل از وقت نکل جائے گا،لہٰذا اس نے ان صاحب سے کہا:تم وہابی ہو،بھاگو یہاں سے۔مگر اس کے مریدین نے جب دیکھا کہ پیر صاحب صحیح جواب نہیں دے سکے تو سب اس کو چھوڑ کر بھاگ گئے، سارا پرتاب گڑھ اس کے فتنے سے بچ گیا۔
کعبہ شریف میں نماز پڑھنے کا دعویٰ کرنے والے پیر کا حشر
ایک جعلی پیر لوگوں کو خوب اُلّو بناتا تھا، نماز نہیں پڑھتا تھا اور کہتا تھا کہ میں کعبہ شریف میں نماز پڑھتا ہوں، اپنے گاؤں کی مسجد میں نہیں پڑھتا، ایک مولوی صاحب نے گاؤں والوں سے کہا کہ بھائی! پیر تو کعبہ شریف میں نماز پڑھتا ہے، لہٰذا اس کا کھانا پینا بند کردو، اسے اس گاؤں کا کھانا مت دو، اُس سے کہو کہ وہ کعبہ شریف کی کھجور کھالیا کرے اور زم زم کا پانی پی لیا کرے، وہاں کی مبارک غذا کو چھوڑ کر ہندوستان کا نامبارک کھانا کیوں کھاتا ہے؟
مولوی صاحب کی یہ بات مریدوں کی سمجھ میں آگئی کہ واقعی صحیح بات ہے کہ مکہ شریف کا مبارک کھانا چھوڑ کر یہاں ہندوستان میں کیوں کھاتا ہے؟ سارے گاؤں والے جمع ہوگئے۔ جب آپ کعبہ شریف نماز پڑھنے جاتے ہو تو وہیں کھجور کھاکر زم زم پی لیا کرو، بلکہ ہم لوگوں کو بھی لاکر دیا کرو۔ جعلی پیر صاحب کو جب تین دن کھانا نہیں ملا تو چوتھے روز کہنے لگے کہ بھائیو! آج سے ہم آپ کی مسجد ہی میں نماز پڑھا کریں گے۔ لیکن لوگوں نے کہا کہ اب ہم تمہیں کھانا نہیں دیں گے،کیوں کہ تم کھانے کے لیے نماز پڑھوگے اور اس کو بستی سے بھگادیا۔
ایک کانے کا دعوائے خدائی
پنجاب میں ایک کانے نے کہا کہ میں خدا ہوں۔ انیس آدمی اس پر ایمان لے آئے۔ ایک مرید نے اس سے پوچھا کہ حضور! جب آپ خدا ہیں تو کانے کیوں ہیں؟ آپ اپنی آنکھ کیوں ٹھیک نہیں کرلیتے؟ تو اس نے کہا کہ دیکھو مسلمانوں کا خدا یُؤۡمِنُوۡنَ بِالۡغَیۡبِ7؎
_____________________________________________
7؎ البقرۃ: 3
