ماہنامہ انوار مدینہ لاہور فروری 2010 |
اكستان |
 |
چونکہ جمعیة علماء ِہند بار بار اِس اقدام کے لیے مسلم لیگ کو خصوصیت کے ساتھ دعوت دے چکی ہے اِس لیے مسلم لیگ کا فرض ہے کہ وہ اِس دعوت کو قبول کرنے کااعلان کرے ورنہ تو ظاہر ہے کہ ہماری موجودہ حالت کا نتیجہ محض یہ ہے کہ صرف حکومت اِس سے فائدہ اُٹھا رہی ہے اَور خدا جانے کب تک اُٹھاتی رہے گی۔ وہ کبھی پاکستانی حضرات کو طفلِ تسلی دیتی رہے گی اَور کبھی کانگریسیوں کو سراہنے لگے گی۔ اگر میری اِس گذارش کو نیک خواہی پر محمول کرکے اِس صحیح طریق ِکار کو اختیار کر لیا جائے تو اگر چہ آج ہندوستان کو ڈومی نین اسٹیٹس (درجہ نو آبادیات) سے زیادہ نہ ملے مگر اِس کے بعد وہ وقت بھی جلد ہی آجائے گاجب تھوڑی سی جدو جہد سے ہمارا یہ ملک آزادیٔ کامل کی منزل تک بھی پہنچ جائے گا۔ وَاللّٰہُ یَہْدِیْ مَنْ یَّشَآئُ اِلٰی صِرَاطٍ مُّسْتَقِیْم (جاری ہے) قارئین انوارِمدینہ کی خدمت میں اپیل ماہنامہ انوارِ مدینہ کے ممبر حضرات جن کو مستقل طورپر رسالہ ارسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ انوارِ مدینہ ایک دینی رسالہ ہے جو ایک دینی ادارہ سے وابستہ ہے اس کا فائدہ طرفین کا فائدہ ہے اور اس کا نقصان طرفین کا نقصان ہے اس لیے آپ سے گزارش ہے کہ اس رسالہ کی سرپرستی فرماتے ہوئے اپنا چندہ بھی ارسال فرمادیں اوردیگر احباب کوبھی اس کی خریداری کی طرف متوجہ فرمائیں تاکہ جہاں اس سے ادارہ کو فائدہ ہو وہاں آپ کے لیے بھی صدقہ جاریہ بن سکے۔(ادارہ)