حاضر ہوا اور عرض کیا : یا رسول اللہ! کون سی دعاء سب سے زیادہ افضل ہے؟ آپ ﷺنے اِرشاد فرمایا:اپنے رب سے دنیا و آخرت کی عافیت اور معافی کا سوال کرتے رہو،وہ شخص پھر اگلے دن آیا اور وہی سوال دہرا یا تو آپﷺنے وہی جواب مَرحمت فرمایا،وہ شخص پھر تیسرے دن آیا اور وہی سوال کیا ،آپﷺنے وہی جواب اِرشاد فرمایا، اور پھر اس کی وجہ بیان فرمائی کہ جب تمہیں دنیا و آخرت میں عافیت سے نواز دیا گیا توسمجھ لو کہ تم فلاح و کامیاب ہوگئے ۔(ترمذی:3512)
عافیت کی چند مسنون دعائیں :
اَللَّهُمَّ اهْدِنِي فِيمَنْ هَدَيْتَ، وَعَافِنِي فِيمَنْ عَافَيْتَ، وَتَوَلَّنِي فِيمَنْ تَوَلَّيْتَ، وَبَارِكْ لِي فِيمَا أَعْطَيْتَ، وَقِنِي شَرَّ مَا قَضَيْتَ، إِنَّكَ تَقْضِي وَلَا يُقْضَى عَلَيْكَ، وَإِنَّهُ لَا يَذِلُّ مَنْ وَالَيْتَ، وَلَا يَعِزُّ مَنْ عَادَيْتَ، تَبَارَكْتَ رَبَّنَا وَتَعَالَيْتَ۔(ابوداؤد:1425)ترجمہ: اے اللہ ! تو مجھے ہدایت دے اُن میں جنہیں تو نے ہدایت دی اور مجھے عافیت دے اُ ن میں جنہیں تو نے عافیت دی اور میری سر پرستی فرما اُن لوگوں میں جن کی تو نے سرپرستی فرمائی اورمیرے لئے اُن چیزوں میں برکت فرما جو تو نے عطا کی اور مجھے ان فیصلوں کے نقصان سے بچا جو تو نے کیے، اس لئے کہ تو ہی فیصلہ کرتا ہےاور تیرے (فیصلے کے) خلاف کوئی فیصلہ نہیں ہو سکتا۔اور بیشک وہ ذلیل نہیں ہو سکتا جس کا تو دوست بن جائے اور وہ معزز نہیں ہو سکتا جس سے تو دشمنی کرے، اے ہمارے رب ! تو بہت با برکت اور نہایت بلند ہے۔
اَللَّهُمَّ اغْفِرْ لِي، وَارْحَمْنِي، وَاهْدِنِي، وَعَافِنِي وَارْزُقْنِي۔ترجمہ:اے اللہ! مجھے معاف کردے،مجھ پر رحم فرما،،مجھے ہدایت عطاء فرما،،مجھے عافیت نصیب فرما اور مجھے
