میں تعاون کردینا بھی صدقہ ہے، پانی کا ایک گھونٹ پلانا بھی صدقہ ہے، راستہ سے تکلیف دہ چیز کو ہٹادینا بھی صدقہ ہے ۔(طبرانی کبیر:11027)
پانی پلانا اجر و ثواب کا باعث :
نبی کریمﷺکا اِرشاد ہے:”إِنَّ الرَّجُلَ إِذَا سَقَى امْرَأَتَهُ الْمَاءَ أُجِرَ“بیشک جب کوئی شخص اپنی بیوی کو پانی پلائے تو اُسے (اس پر بھی)اجر دیا جاتا ہے۔راوی کہتے ہیں کہ میں نے اپنی بیوی کو پانی پلایا اور اُسےنبی کریمﷺکا فرمان سنایا۔(طبرانی کبیر:18/258)
حضرت سراقہ سے مروی ہے کہ میں نبی کریمﷺ کی بیماری میں(عیادت وخدمت کیلئے)حاضرِ خدمت ہوا اور سوال کیا :”أَرَأَيْتَ الضَّالَّةَ تَرِدُ عَلَى حَوْضِ إِبِلِي، هَلْ لِي أَجْرٌ أَنْ أَسْقِيَهَا؟“یا رسول اللہ! وہ بھٹکے ہوئے اونٹ جو میرے حوض پر آئیں تو کیا مجھے ان کو پانی پلانے پر اجروثواب ملے گا؟ جبکہ میں نے وہ پانی اپنے اونٹوں کے لئے بھرا ہو، نبی کریمﷺ نے فرمایا :”نَعَمْ، فِي الْكَبِدِ الْحَرَّى أَجْرٌ“ہاں ! ہر تر جگر رکھنے والے میں اجروثواب ہے۔(مسند احمد:17588)
پیاسے مسلمان کو پانی پلاناجنّت کی خالص مہر لگی شراب سے سیرابی کا ذریعہ :
حضرت ابوسعید خدرینبی کریمﷺکا یہ اِرشاد نقل فرماتے ہیں :
”أَيُّمَا مُسْلِمٍ سَقَى مُسْلِمًا عَلَى ظَمَإٍ، سَقَاهُ اللَّهُ مِنَ الرَّحِيقِ الْمَخْتُومِ“جو شخص کسی پیاسے مسلمان کو پانی پلائے تو اللہ تعالیٰ اسے جنت کی خالص شراب جس پر مہر لگی ہوگی اس سے سیراب فرما ئے گا۔(ابوداؤد:1682)
