خوشیوں سے اپنے قلب میں ایک اعشاریہ خوشی نہ آنے دیں، ہمیں ایسا ایمان و حوصلہ عطا فرما دے۔یہ شاہ بازی ہے، مگر شاہ بازی کس سے آتی ہے؟ بازِ شاہی سے آتی ہے، کرگسوں یعنی گِدھ سے نہیں آتی، چاہے وہ جامع الملفوظات ہی کیوں نہ ہو۔ اس کو یاد رکھو کہ محض ملفوظات نوٹ کرنے سے نور نہیں ملے گا، دین کے خادموں کو ہوشیار ہوجانا چاہیے کہ جب بازِ شاہی سے شاہ بازی سیکھ لو گے تب تمہاری تحریروں، تقریروں اور شیخ کے ملفوظات نقل کرنے میں اللہ تعالیٰ برکت عطا کرے گا۔
مولانا رومی صدیقِ اکبر رضی اللہ عنہ کی اولاد،شاہ خوارزم کا نواسہ آج سے آٹھ سو برس پہلے قونیہ شہر میں اعلان کرتا ہے کہ اے دنیا والو! مجھے اپنے پیر و مرشد شمس الدین تبریزی سے کیا دولت ملی ہے؟ ؎
بازِ سلطانم گشم نیک و پیم
فارغ از مردارم و کرگس نیم
مرشد کے فیض کی دولت اس کے ساتھ کھانا کھانا نہیں ہے، سفر و حضر میں تفریح کرنا نہیں ہے، مرشد کا سب سے بڑا فیض یہ ہے کہ مرید اپنے اللہ کا بازِ شاہی بن جائے،اس کی بُری عادتیں نیک عادتوں سے تبدیل ہوجائیں اور وہ مرنے والوں پر مرنا چھوڑ دے کیوں کہ یہ کرگسوں یعنی گِدھوں کا کام ہے،اصلی مرید مرنے والی لاشوں پر اپنی شے یعنی زندگی کو لاشئی نہیں کرتا،لاش پر اپنے کو لاش نہیں کرتا بلکہ اپنے شیخ سے اپنے مولیٰ پر مرنا سیکھ لیتا ہے ۔ اگر یہ سیکھ لیا تو تم اصلی مرید ہو، ورنہ اپنے گریبان میں منہ ڈال کر دیکھو۔ تو مولانا رومی فرماتے ہیں کہ میں مردہ کھانے سے فارغ ہوچکا ہوں، اب جلال الدین کر گس نہیں ہے، گِدھ نہیں ہے جو مردہ کو دیکھے۔اور بازِشاہی بننے کے بعد انہوں نے ساڑھے اٹھائیس ہزار اشعار کہے، ورنہ کر گس کیا شعر کہے گا۔
غمِ دو جہاں سے نجات کا نسخہ
اب میرے اشعارِ معرفت و محبت ِ الٰہیہ پڑھ کے سنائے جائیں گے، جب ان میں غم کا
