تعمیر کعبہ اور تعمیر قلب کا ربط |
ہم نوٹ : |
 |
میا کہتے ہیں محبت کو یعنی میں تم کو جلد اس لیے معاف کردیتا ہوں کیوں کہ میں وَدُوْدْ بھی ہوں، مجھے تم سے بہت محبت ہے، اسی محبت کی وجہ سے میں تم کو جلد معاف کردیتا ہوں۔ تو یہاں بھی اﷲ تعالیٰ عَزِیْزٌ اور حَکِیْمٌ دو اسماء لائے ہیں، ایک اسم کی تشریح کردی۔ اب حَکِیْمٌ کے کیا معنیٰ ہیں؟ اَلَّذِیْ یَضَعُ الْاَشْیَاءَ اَقْوَالًا وَّ اَفْعَالًا فِیْ مَحَالِّہٖ 23؎ یعنی جو ہر شئے کو، ہر قول و فعل کو اپنے صحیح محل میں استعمال کرے۔ بعض وقت طاقت بہت ہوتی ہے لیکن اس کا استعمال صحیح نہیں ہوتا جیسے کسی کے پانچ لڑکے ہیں، چار تو ڈاکٹر انجینئر ہیں اور ایک پہلوان بن گیا، چار تو مہذب اور مؤدب ہیں اور جسمانی لحاظ سے کمزور بھی ہیں، صرف دماغی کام کرتے ہیں، جسمانی ریاضت سے دور ہیں اور پانچواں جاہل رہ گیا مگر ہے سب سے تگڑا، اب جس سے ناراض ہوا اس کو ایک گھونسا مار دیا اور طاقت بھی نہ دیکھی کہ کس طاقت سے مار رہا ہوں، ایک دن ایک بھائی کو مکا ماردیا، اب وہ بے چارہ وہاں پڑا ہوا سسکیاں لے رہا ہے پھر دوسرے دن انجینئر بھائی کو ایک مکا مار دیا، اس کے سب جبڑے ٹوٹ گئے اور وہ ڈینٹسٹ کے یہاں پہنچا ہوا ہے اور تیسرے دن کسی کی ٹانگ توڑ دی تو قدرت کا صحیح استعمال نہ کرنے والا تو بےوقوف ہوتا ہے۔ اس لیے حضرت ابراہیم علیہ السلام کی شان دیکھو کہ فرماتے ہیں اے خدا! آپ کی تو عجیب شان ہے، آپ جتنی زبردست قدرت والے ہیں اتنی ہی زبردست حکمت والے بھی ہیں، آپ کا ہر کام بربنائے حکمت ہے، سورج اور چاند کی رفتار میں آپ نے کیا شان رکھی ہے: وَ الشَّمۡسُ تَجۡرِیۡ لِمُسۡتَقَرٍّ لَّہَا ؕ ذٰلِکَ تَقۡدِیۡرُ الۡعَزِیۡزِ الۡعَلِیۡمِ 24 ؎زبردست قدرت کے ساتھ آپ کا علم بھی زبردست ہے کہ کس ستارے یا سیارے کی کتنی رفتار ہونی چاہیے ورنہ سورج، چاند اور ستارے آپس میں ٹکرا جائیں۔ تو اﷲ تعالیٰ نے یہاں دو نام نازل کردیے کہ میں اتنی زبردست قدرت اور زبردست علم رکھتا ہوں کہ مجال نہیں کہ کائنات میں کہیں آپس میں مسابقت یا کھینچاتانی ہو، لیکن جب قیامت کے دن ہمارا حکم ہوگا پھر ان کا تماشا دیکھنا کہ کس طرح گریں گے۔ _____________________________________________ 23؎مرقاۃ المفاتیح:252/3،باب صلٰوۃ اللیل،دارالکتب العلمیۃ،بیروت 24؎یٰسٓ:38