عزیز و اقارب کے حقوق |
ہم نوٹ : |
بادشاہ ہیں اور اللہ تعالیٰ کا راستہ بتانے میں بڑے بڑے علماء اور اولیاء کے راہ نما ہیں، وہ اللہ تعالیٰ سے عرض کرتے ہیں کہ اے اللہ! مجھے بہت سے کھینچنے والے اپنی طرف کھینچ رہے ہیں، حُسنِ جاہ، مال و دولت خصوصاً اس زمانے میں حسین شکلیں جو سڑکوں پر بکھرے ہوئے موتیوں کی طرح ہیں، لیکن ؎غالبی بر جاذباں اے مشتری ان تمام کھینچنے والی چیزوں پر آپ غالب ہیں۔ چاہے وہ اپنا نفس ہو، شیطان ہو، عورتیں ہوں، مال و دولت ہو، عزّت و جاہ ہو سب پر آپ کو غلبۂ قدرت حاصل ہے۔ اگر آپ ہمیں اپنی طرف کھینچ لیں تو پھر کون ہے جو آپ کے مقابلے میں آسکے؟ اگر دس بیس کمزور قسم کے لوگ محمد علی کلے باکسر کی گود سے اُس کے بیٹے کو اغوا کرنے کے لیے اپنی طرف کھینچ رہے ہیں، تو محمد علی کلے کا ایک گھونسہ ان کو جناح ہسپتال میں داخل کردے گا، دل کی رفتار بدل جائے گی، قلب کا ای سی جی کرانا پڑے گا۔ پس اے اللہ! آپ کی قدرت کا کیا ٹھکانہ ہے! جس کی حفاظت کا آپ ارادہ فرمالیں، جس کو آپ اپنا بنانے کا فیصلہ کرلیں پھر کون ہے جو اس کو آپ سے چھین سکے؟ کیا شان ہے اللہ تعالیٰ کی!دوستو! دو رکعات پڑھ کر اللہ تعالیٰ سے بس یہی مانگو کہ اے خدائے تعالیٰ! ہمیں آپ اپنا بنانے کا فیصلہ کرلیجیے۔ میں آپ کا تو ہوں، مگر اپنی نالائقی سے آپ کا پورا نہیں بن رہا ہوں، کچھ کچھ آپ کا بن جاتا ہوں روزہ نماز کرکے، لیکن پھر سڑکوں پر ٹیڈیوں کو دیکھ کر کچھ شیطان کا بھی بن جاتا ہوں، کچھ کچھ گناہ بھی کرلیتا ہوں، اس لیے اللہ تعالیٰ سے یہ دعا کرو کہ ہمیں آپ بالکل اپنا بنالیجیے۔ بندوں کا ایک پیدایشی حقِ مملوکیت ہم آپ ہی کے ہیں۔ آپ ہمارے مالک ہیں اور سر سے پیر تک ہمارا ہر جز آپ کا مملوک ہے اور ہر مالک اپنی ملکیت کی حفاظت کرتا ہے۔ مملوکیت کا یہ حق ہم کو حاصل ہے کہ اَنْتَ مَوْلٰنَا آپ ہمارے مولیٰ ہیں جس کی تفسیر روح المعانی نے کی ہے اَیْ اَنْتَ مَالِکُنَا 2؎ آپ ہمارے مالک ہیں ہم آپ کے مملوک ہیں۔ سر سے پیر تک ہمارا ہر جز آپ کا ہے، لہٰذا ہمارا _____________________________________________ 2؎روح المعانی:71/3، البقرۃ (286)،دار احیاء التراث، بیروت