Deobandi Books

اور کوئی صاحب خلاصہ نکال کر مجھ پر یہ الزام نہ لگاویں کہ مَیں ایصال ثواب کو روکتا ہوں ہرگز نہیں۔ البتہ اتنا ضرور کہتا ہوں کہ عاشورہ کی تخصیص کر کے ایصال ثواب کرنا اور یہ خیال کرنا کہ آج زیادہ ثواب ملے گا ضرور بے اصل اور اختراع فی الدین ہے۔ الغرض اس دن میں کوئی ایسا عمل جس پر اجر ملے بجز روزہ کے ثابت نہیں ہوا۔
زیادت فی الدین
البتہ صرف دنیاوی برکت کے بارہ میں ایک اور عمل حضور ﷺ سے اور وہ بھی بروایت ضعیف ثابت منقول ہے جس کا ضعف منجبر بھی ہوسکتا ہے، حدیث میں ہے:
من وسع علی عیالہ واہلہ یوم عاشوراء وسع ﷲعلیہ سائر سنتہ
کہ جس نے عاشوراء کے دن اپنے اہل وعیال پر فراخی کی تو حق تعالیٰ تمام سال فراخی رکھیں گے۔
تو صرف دنیاوی برکت کے واسطے یہ عمل حضور ﷺسے ایک درجہ میں ثابت ہوا اور اگر اس سے ایصال ثواب کی کوئی اصل نکالے تو وہ بھی نہیں بنتی کیونکہ حضورﷺ نے صرف اہل و عیال پر وسعت کرنے کو فرمایا ہے لینے دینے کو نہیں فرمایا۔ تو اس دن میں تخصیصاً کچھ دینا زیادت فی الدین