ماہنامہ انوار مدینہ لاہور جون 2002 |
اكستان |
 |
باب : ٣ قسط : ١٥ فہمِ حدیث نبوت و رسالت ٭ (حضرت مولا نامفتی ڈاکٹر عبدالواحد صاحب) رسول اللہ صلی اللہ علیہ وسلم کی کچھ خصوصیات : (١) اللہ تعالی کانبی ۖ کو غیر معمولی طریقے سے کھانا پلانا : عن ابی ھریرة قال نھی رسول اللّٰہ صلی اللّٰہ علیہ وسلم عن الوصال فی الصوم فقال لہ رجل من المسلمین انک تواصل یا رسول اللّٰہ قال وایکم مثلی انی ابیت یطعمنی ربی ویسقینی (بخاری ومسلم ) حضرت ابو ہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے اس بات کی ممانعت فرمائی ہے کہ دو روزے درمیان میں افطار کیے بغیر ایک ساتھ رکھے جائیں اس پر ایک مسلمان شخص نے عرض کیا اے اللہ کے رسول ۖ آپ بھی تو ایسا کر لیتے ہیں ۔آپ نے فرمایا (جی ہاں )مگر کیاتم میں کوئی میری طرح ہے ؟میں شب بسر کرتاہوںاس حالت میں کہ میرا رب مجھ کو (غیر معمولی طریقے سے نیند میں حقیقتًا )کھلاتا بھی ہے اور پلاتا بھی ہے (اس لیے میری توانائی بحال رہتی ہے)۔ (٢) غیر معمولی بصارت : عن انس قال اقیمت الصلوٰة فاقبل علینا رسول اللّٰہ صلی اللّٰہ علیہ وسلم بوجہہ فقال اقیمو ا صفو فکم و ترا صّوا فانی ارا کم من ورائِ ظھری ۔(بخاری) حضرت انس رضی اللہ عنہ سے روایت ہے کہ ایک مرتبہ جماعت کھڑی ہوئی تو رسول اللہ ۖ نے ہماری طرف اپنا رخ پھیر کر فرمایااپنی صفیں سیدھی کرو اور خوب مل کر کھڑے ہو کیونکہ (اللہ تعالی