گوشہ فاروقی صاحب: خطاب: مولانا عبدالقیوم حقانی *
الحاج شفیق الدین فاروقی ؒکا سانحۂ ارتحال
جامعہ دارالعلوم حقانیہ کے منتظم‘ ماہنامہ الحق کے رفیق‘ شیخ الحدیث حضرت مولانا سمیع الحق کے داماد‘ مولانا حامد الحق حقانی اور مولانا راشد الحق سمیع حقانی کے بہنوئی الحاج شفیق الدین فاروقی طویل علالت کے بعد ۲۶ رمضان المبارک ۱۴۳۵ھ … اپنے خالق حقیقی سے جا ملے۔ انا للّٰہ و انا الیہ راجعون۔ تدفین کے موقع پر شیخ الحدیث مولانا سمیع الحق کے حکم پر جامعہ دارالعلوم حقانیہ کے مقبرئہ حقانیہ میں حاضرین سے مولانا عبدالقیوم حقانی کا خطاب: جو ادارتی کالم میں بطور تعزیتی شذرہ کے شریک اشاعت ہے۔ (مرتب: حبیب اللہ حقانی)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خطبہ مسنونہ کے بعد:
بزرگانِ محترم اور سامعینِ مکرم! سیدی و سندی و استاذی المکرم شیخ الحدیث حضرت مولانا سمیع الحق صاحب مدظلہم کا حکم ہے کہ اس موقع پرمیں دینی حوالے سے کچھ معروضات عرض کروں۔
الحاج شفیق الدین فاروقی بارگاہِ رب میں ہیں۔ ماہِ مبارک کی ستائیسویں (۲۷)شب ہے۔ لیلۃ القدر کی مبارک رات ہے۔ جنازہ میں علمائ‘ مشائخ‘ محدثین‘ مدرسین‘ طلبائ‘ حفاظ‘ قرائ‘ صالحین اور عامۃ المسلمین نے شرکت فرمائی۔ جو ان کی بخشش‘ مغفرت اور بارگاہِ رب میں وسیلۂ نجات کا مؤثر ذریعہ ہے۔ علاوہ ازیں خود مرحوم کے لئے شیخ الحدیث مولانا عبدالحقؒ‘ شیخ الحدیث مولانا سمیع الحق‘ شیخ الحدیث مولانا انوارالحق ماہنامہ الحق اور جامعہ دارالعلوم حقانیہ سے نسبت‘ تعلقِ خاطر‘ خدمت اور وابستگی ایک عظیم وسیلۂ مغفرت ہے۔ شفیق مرحوم نے جوانی میں بارگاہِ ربّ میں اخلاص و للہیت کے ساتھ خود کو علماء کی خدمت کے لئے پیش کردیا، اور وقف ہوگئے۔
جوانی کے جذبات‘ امنگیں‘ ولولے‘ پھر سرکاری ملازمت‘ بھرپور وسائل‘ علاوہ ازیں اپنے خاندان اور
___________________________
* مہتمم جامعہ ابوہریرہ ‘ خالق آباد نوشہرہ
